پۋتين ەردوعاننىڭ تامىزدا سوچيگە جاساعان ساپارى بارىسىندا قول جەتكىزىلگەن بارلىق كەلىسىم ورىندالاتىنىن اتاپ ءوتتى. ونىڭ ايتۋىنشا، بۇل ينۆەستيتسيالىق پروتسەسكە، «اققۋ» اتوم ەلەكتر ستانسياسىنىڭ قۇرىلىسىنا قاتىستى.
«تۇركيانىڭ جانە باسقا ەلدەردەگى ساتىپ الۋشىلارىمىزدىڭ قىزىعۋشىلىعى بولسا، باسقا گاز قۇبىرى جۇيەسىن سالۋدى جانە تۇركيا اۋماعىندا باسقا ەلدەرگە، قىزىعۋشىلىق تانىتسا، ەۋروپالىق ەلدەرگە ساتۋ ءۇشىن گاز حابىن قۇرۋدى قاراستىرا الامىز.
بىرگە قۇراتىن وسى حابتىڭ جۇمىسى تەك جەتكىزىلىم الاڭى عانا ەمەس، سونىمەن قاتار، باعانى انىقتاۋ الاڭى بولار ەدى، ويتكەنى باعا ماسەلەسى - وتە ماڭىزدى ماسەلە. بۇگىندە بۇل باعا شارىقتاپ كەتتى، ونى ەشقانداي ساياسي بوياۋسىز قالىپتى نارىق دەڭگەيىندە تىنىش رەتتەي الار ەدىك»، - دەدى پۋتين.
ال ەردوعان تۇركيا ىستامبۇل كەلىسىمىن جالعاستىرۋعا جانە نىعايتۋعا، سونداي-اق، رەسەيلىك ازىق-تۇلىك پەن تىڭايتقىشتاردى تۇركيا ارقىلى تومەن دامىعان ەلدەرگە تاسىمالداۋعا دايىن ەكەنىن ايتتى.
«استىق تۋرالى كەلىسىمدى نىعايتۋدى جالعاستىرۋىمىز كەرەك. تۇركيا مەن رەسەيدىڭ بۇل پروتسەستەگى قادامدارى بەلگىلى ءبىر توپتاردى الاڭداتسا دا، ولار تومەن دامىعان ەلدەردى قۋانتادى»، - دەدى ەردوعان.
تۇرىك بۇقارالىق اقپارات قۇرالدارى مالىمەتىنشە، ەردوعان مەن پۋتيننىڭ كەلىسسوزى 1,5 ساعاتقا سوزىلعان.