«مەملەكەت باسشىسىنىڭ بالا كۇتىمى بويىنشا بەرىلەتىن الەۋمەتتىك تولەمدەردىڭ كولەمىن 1 جىلدان 1,5 جىلعا دەيىن ۇزارتۋ تۋرالى تاپسىرماسى جۇمىس ىستەيتىن جانە جۇمىس ىستەمەيتىن اتا- انالارعا دا قاتىستى بولادى. بۇل قۇقىقتى جارتى ميلليونعا جۋىق اتا- انا پايدالانادى. بۇل رەتتە جۇمىس ىستەيتىن انالار الەۋمەتتىك تولەمدى مەملەكەتتىك ساقتاندىرۋ قورىنان ەڭبەكاقىسىنىڭ 40 پايىزى مولشەرىندە، نارەستە 1 جارىم جاسقا جەتكەنشە الادى»، - دەدى ۆەدومستۆو باسشىسى.
ال، جۇمىس ىستەمەيتىن انالار بيۋدجەتتەن بەرىلەتىن كومەكتى 1,5 جىل بويى الادى.
«جۇمىس ىستەمەيتىن بالا كۇتىمىندەگى انالار مەملەكەتتىك بيۋدجەتتەن زاڭناما بەلگىلەگەن جاردەماقى مولشەرىندە الادى. سوندىقتان، قاجەتتى قوسىمشا قاراجات ەسەبى رەسپۋبليكالىق بيۋدجەت كوميسسياسىنىڭ ماقۇلداۋىنان كەيىن الەۋمەتتىك كودەكس جوباسىنا جانە 2023-2025 -جىلدارعا ارنالعان بيۋدجەت تۋرالى زاڭ جوباسىنا ءتيىستى وزگەرىستەر ەنگىزىلەدى»، - دەدى مينيستر.
ەسكە سالايىق، 1- قىركۇيەكتە مەملەكەت باسشىسى قاسىم- جومارت توقايەۆ پارلامەنت پالاتالارىنىڭ بىرلەسكەن وتىرىسىندا جەتىنشى سايلانعان پارلامەنتتىڭ ءۇشىنشى سەسسياسىن اشىپ، حالىققا جولداۋىن جاريالادى.
اۆتور
ەسىمجان ناقتىباي