ماۋسىم ايىندا بوس جۇمىس ورىندارىنىڭ سانى 1,5 ەسە ءوستى
وتكەن ايمەن سالىستىرعاندا بوس ورىندار سانى 1,5 ەسە، ال تۇيىندەمەلەر سانى 31 پايىزعا ارتتى، دەپ حابارلايدى قازاقپارات.
«بوس جۇمىس ورىندارى سانىنىڭ كۇرت ءوسۋى بارلىق وڭىرلەردە بايقالدى، ءبىراق ەڭ كوبى اقتوبە (2,5 ەسە) جانە جامبىل (3 ەسەگە جۋىق) وبلىستارىندا. ناتيجەسىندە اتالعان وڭىرلەر بوس جۇمىس ورىندارى بويىنشا ءبىرىنشى ورىنعا شىقتى (تيىسىنشە 12,9 مىڭ جانە 12 مىڭ بوس جۇمىس ورنى). قاراعاندى وبلىسى دا بوس جۇمىس ورىندارى بويىنشا الدىڭعى قاتاردا (12,6 مىڭ). بۇل رەتتە باتىس قازاقستان وبلىسىندا كاسىپورىندار مەن فيرمالاردىڭ ۇسىنىسى 5,8 پايىزعا - 3,3 مىڭ بوس ورىنعا ازايدى. سونداي- اق، ۇسىنىلاتىن جۇمىس ورىندارىنىڭ ەڭ از سانى شىمكەنت قالاسىندا - 3,5 مىڭ جانە ماڭعىستاۋ وبلىسىندا - 3,1 مىڭ بوس ورىن»، - دەدى «ەڭبەك رەسۋرستارىن دامىتۋ ورتالىعى» ا ق باسقارۋشى ديرەكتورى الەكساندرا مولچانوۆسكايا.
بوس ورىنداردىڭ باسىم بولىگىن اۋىل شارۋاشىلىعى (10,8 مىڭ بوس ورىن) ، تۇرعىن ەمەس ءۇي- جايلار جانە تۇرعىن ءۇي وبەكتىلەرىن سالۋ (9,8 مىڭ بوس ورىن) ، ءبىلىم بەرۋ (6,6 مىڭ بوس ورىن) جانە وزگە دە قىزمەتتەر (5,8 مىڭ بوس ورىن) سەكتورلارىنىڭ كاسىپورىندارى ورنالاستىردى. بۇل رەتتە اۋىل شارۋاشىلىعى سالاسىنداعى بوس ورىنداردىڭ جارتىسىنا جۋىعى (47 پايىز) جامبىل وبلىسىنا تيەسىلى، ال شىعىس قازاقستان، قوستاناي وبلىستارىندا - تۇرعىن ءۇي قۇرىلىسى سالاسىندا تيىسىنشە 33,7 پايىز جانە 35 پايىزدان كەلدى.
ەلوردادا قۇرىلىس سالاسىنداعى جۇمىسشىلارعا جوعارى سۇرانىس ساقتالدى، ياعني بوس ورىنداردىڭ ۇشتەن ءبىرى قۇرىلىس سالاسىنا تيەسىلى.
بىلىكتىلىگى تومەن قىزمەتكەرلەرگە سۇرانىس 23,4 مىڭنان 50,7 مىڭعا دەيىن، 2 ەسەدەن استام ءوستى.
ونىڭ ءبىر سەبەبى - اۋىل شارۋاشىلىعىنداعى ماۋسىمدىق جۇمىستارعا جۇمىسشىلاردى تارتۋ. سونىمەن قاتار، بىلىكتىلىگى تومەن ىزدەنۋشىلەر تاراپىنان ۇسىنىس ءبىر مەزگىلدە 58,2 پايىزعا، 18,4 مىڭنان 29,1 مىڭعا دەيىن ءوستى. ەڭبەك نارىعىنىڭ قاجەتتىلىكتەرى مەن ورتاشا بىلىكتى مامانداردىڭ ۇسىنىسى اراسىنداعى تەڭگەرىمسىزدىك تومەندەدى، 42 مىڭ ورنالاستىرىلعان تۇيىندەمەگە قاراعاندا 52,9 مىڭ بەلسەندى بوس جۇمىس ورنى. بوس جۇمىس ورىندارىنىڭ ەڭ از ۇلەسى جوعارى بىلىكتى جۇمىس ورىندارىنا تيەسىلى (ورنالاستىرىلعان بوس جۇمىس ورىندارىنىڭ جالپى سانىنىڭ 16,9 پايىزى).
«سوڭعى ايلاردا قوسالقى جۇمىسشىلارعا، كۇزەتشىلەرگە، جۇرگىزۋشىلەرگە، سانيتارلارعا، مۇعالىمدەرگە، دارىگەرلەر مەن مەدبيكەلەرگە دەگەن سۇرانىس جوعارى. ماۋسىم ايىندا وزگەرىس بولعان جوق. وسىلايشا، ە ە ب پورتالىنىڭ دەرەكتەرىنە سايكەس بوس لاۋازىمداردىڭ ەڭ كوپ سانى قوسالقى جۇمىسشىلار (19,8 مىڭ بوس جۇمىس ورنى جانە 15,2 مىڭ تۇيىندەمە)، جول قۇرىلىسى جۇمىسشىلارى (3,1 مىڭ بوس جۇمىس ورنى جانە 294 تۇيىندەمە)، كۇزەتشىلەر (2,2 مىڭ بوس جۇمىس ورنى جانە 621 تۇيىندەمە)، جۇرگىزۋشىلەر (4,4 مىڭ بوس جۇمىس ورنى جانە 1,4 مىڭ تۇيىندەمە) ، مۇعالىمدەر (3,9 مىڭ بوس جۇمىس ورنى جانە 2,7 مىڭ تۇيىندەمە) جانە دارىگەرلەر (635 رەزيۋمەگە قارسى 2,2 بوس ورىن)»، - دەپ ءبولىستى اقپاراتپەن الەكساندرا مولچانوۆسكايا.
ەسەپتى ايدا ىزدەنۋشىلەردىڭ بەلسەندىلىگى الماتى وبلىسىنان باسقا بارلىق وڭىردە ءوستى. تۇيىندەمەلەر سانىنىڭ ايتارلىقتاي ءوسۋى تۇركىستان جانە اقتوبە وبلىستارىندا 1,8 ەسە بايقالدى. بۇل رەتتە اتالعان وڭىرلەردە تۇيىندەمەلەر سانىنىڭ ءوسۋى بىلىكتىلىگى جوق ەڭبەكتى بولجايتىن تۇيىندەمەلەر سانىنىڭ كوبەيۋى ەسەبىنەن بولدى.
كەلەسى ماماندىقتارعا ىزدەنۋشىلەر ەڭ جوعارى جالاقىنى كۇتۋدە: ءوندىرىستى دايىنداۋ بويىنشا ينجەنەردىڭ كومەكشىلەرى - 5 ميلليون تەڭگە، دىبىس رەجيسسەرلەرى - 2,1 ميلليون تەڭگە، ينۆەستيتسيالىق جوبالار بويىنشا ديرەكتورلار - 1,9 ميلليون تەڭگە جانە گۋمانيتارلىق عىلىمدار سالاسىنداعى ج و و پروفەسسورلارى - 1,8 ميلليون تەڭگە. ە ە ب- دا ۇسىنىلعان ەڭ جوعارى اقى تولەنەتىن بوس جۇمىس ورىندارى - رەلتورلار (ورتا ەسەپپەن 900 مىڭ تەڭگە)، باس قۇرىلىسشىلار (824 مىڭ تەڭگە) جانە وبەكتيۆتى باقىلاۋ جونىندەگى ينجەنەرلەر (800 مىڭ تەڭگە).
وسىلايشا، ءبىرىنشى جارتىجىلدىقتىڭ قورىتىندىسى بويىنشا قازاقستاندىق ونلاين ەڭبەك نارىعىندا جۇمىس بەرۋشىلەردىڭ بەلسەندىلىگى ارتىپ كەلەدى، جىل باسىمەن سالىستىرعاندا بوس لاۋازىمدار سانى 1,8 ەسەگە ارتتى.
ال جۇمىس ىزدەۋشىلەر اراسىندا بەلسەندىلىكتىڭ تومەندەۋى بايقالسا، تۇيىندەمەلەر سانى جىل باسىنان بەرى14,6 پايىزعا، 70,2 مىڭنان 59,9 مىڭعا دەيىن تومەندەدى، بۇل ادەتتە جازدا، دەمالىس ۋاقىتى كەلگەندە جانە جۇمىس ىزدەۋشىلەر ىزدەۋدى نەمەسە جۇمىستى كۇزگە دەيىن اۋىستىرۋدى توقتاتقان كەزدە بولاتىن جايت.