اكسيونەرلىك قوعام تاراتقان اقپاراتتارعا قاراعاندا، اقىلى جۇيە «باتىس ەۋروپا- باتىس قىتاي» (قاينار- تاراز، تاراز- شىمكەنت، شىمكەنت- قىزىلوردا، شىمكەنت- تاشكەنت)، شۋچينسك- كوكشەتاۋ، قاپشاعاي- تالدىقورعان (تالدىقورعان ق. اينالما جولى)، نۇر- سۇلتان- پاۆلودار، اقتاۋ- جەتىباي- جاڭاوزەن جانە نۇر- سۇلتان، قاراعاندى، پاۆلودار قالالارىنىڭ اينالما جولدارىنا ەنگىزىلەدى.
قازىرگى تاڭدا جۇمىس توبى اتالعان ۋچاسكەلەرگە قىزمەتتىك ساپارلار ۇيىمداستىرىپ، ولاردىڭ جاعدايىن تەكسەرىپ جاتىر. ءجۇرىپ وتكەن جول ءۇشىن تولەماقى ۋچاسكەنىڭ تەحنيكالىق ساناتقا تولىق سايكەستىگى قامتاماسىز ەتىلگەننەن كەيىن عانا الىناتىن بولادى. جاڭا اقىلى ۋچاسكەلەردەگى تولەماقى مولشەرى قولدانىستاعى اقىلى جولدارعا (نۇر- سۇلتان- شۋچينسك، نۇر- سۇلتان- تەمىرتاۋ، الماتى- قاپشاعاي، الماتى- قورعاس) سايكەس ەسەپتەلەدى.
قازىرگى تولەم مولشەرلەمەلەرى 2013 -جىلى ەنگىزىلىپ، وزگەرىسكە ۇشىراماعانىن جانە تاريفتى قىمباتتاتۋ ماسەلەسى قاراستىرىلماعانىن حابارلايمىز: جەڭىل كولىكتەر ءۇشىن 1 شاقىرىم ءۇشىن 1 تەڭگە. اقىلى ۋچاسكەگە قاراستى ەلدى مەكەندە تىركەلگەن جەڭىل اۆتوكولىك يەلەرىنە قۇنى 1000 تەڭگەنى قۇرايتىن ءبىر جىلدىق ابونەمەنت بار؛ اۆتوبۋستار وتىراتىن ورىن سانىنا بايلانىستى 1 شاقىرىم ءۇشىن 5 تەڭگەدەن 15 تەڭگەگە دەيىن، قالاارالىق جانە جەرگىلىكتى رەيستىك اۆتوبۋستار تولەماقىدان بوساتىلعان؛ جۇك كولىكتەرىنىڭ جۇك كوتەرگىشتىگىنە بايلانىستى 1 شاقىرىم ءۇشىن 5 تەڭگەدەن 25 تەڭگەگە دەيىن.
اقىلى جولداردى ەنگىزۋ بارىسىندا جول بويىنداعى ينفراقۇرىلىم دا ەسكەرىلەدى. بۇل جۇرگىزۋشىلەر مەن جولاۋشىلاردىڭ قولايلىعى ءۇشىن سالىناتىن كەشەندەر. دەمالىس الاڭدارى، تۇراقتار، قوناق ۇيلەر، سۋپەرماركەتتەر، دارەتحانالار، ءدارىحانالار جانە ت. ب.