كوروناۆيرۋس: اۋىر حالدەگى ناۋقاستى ەمدەۋگە 1,5 ميلليون تەڭگە جۇمسالادى
بۇل تۋرالى «الەۋمەتتىك مەديتسينالىق ساقتاندىرۋ قورى» ك ە ا ق باسقارما ءتوراعاسى بولات توكەجانوۆ ايتىپ بەردى.
«قازىر قوسىمشا 110 ميلليارد تەڭگە ءبولۋ ماسەلەسى قاراستىرىلىپ جاتىر. ال مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا ەلىمىزدە قوسىمشا 140 ميلليارد تەڭگە بولىنەدى. بۇل ەسەپتەۋلەر ءالى ناقتىلاناتىن بولادى، ويتكەنى ولار كوروناۆيرۋس پەن پنيەۆمونيا بويىنشا ەپيدەميولوگيالىق جاعدايدىڭ قالاي وربيتىنىنە تىكەلەي بايلانىستى»، - دەدى سپيكەر ورتالىق كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا، قور ك ۆ ي دياگنوستيكاسىنا، ەمدەۋگە جانە اسقىنۋلارعا بايلانىستى بارلىق شىعىندى مەديتسينالىق ۇيىمدارعا وتەۋ ءۇشىن ەمدەۋدىڭ اۋىرلىعىن ەسكەرە وتىرىپ، جاڭا تاريفتەر ازىرلەدى.
«وسىلايشا، كوروناۆيرۋستىق ينفەكسيانىڭ جەڭىل دەڭگەيىندەگى ءبىر ناۋقاستى ەمدەۋ - 292600 تەڭگە، ورتاشا دەڭگەيدەگى ناۋقاس - 446100 تەڭگە، اۋىر ناۋقاستى ەمدەۋ - 1,5 ميلليون تەڭگە. وتە اۋىر حالدەگى ناۋقاستى ەمدەۋ ءۇشىن قور ءبىر ناۋقاس ءۇشىن 1,7 ميلليون تەڭگە تولەيدى»، - دەدى بولات توكەجانوۆ.
سپيكەر جەدەل جاردەم كورسەتۋ تاريفىنىڭ قۇرىلىمىندا جەكە قورعانۋ قۇرالدارىنا جۇمسالاتىن شىعىنداردىڭ ورتا ەسەپپەن @ عا ارتقانىن اتاپ ءوتتى.
«قوردىڭ قوسىمشا جوسپارلانعان قارجىلاندىرۋ كولەمىنەن ءموبيلدى بريگادالاردىڭ جۇمىسىنا شامامەن 7,7 ميلليارد تەڭگە جىبەرىلەدى. ءتىپتى قازىر ەمحانالار مەن وتباسىلىق امبۋلاتوريالار جانىنان ءدىل وسىنداي ءۇش مىڭنان استام بريگادا قۇرىلدى»، - دەدى ب. توكەجانوۆ.
بۇعان دەيىن بولات توكەجانوۆ كوروناۆيرۋسقا قارسى كۇرەس شارالارىنا 56,7 ميلليارد تەڭگە بولىنگەنىن ايتتى.