مينيستر: 1,5 ميلليون قازاقستاندىق ەلدە نە بولىپ جاتقانىن بىلمەيدى
16:56, 08 - قاراشا 2017
استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ ءماجىلىستىڭ جالپى وتىرىسىندا قازاقستاندا 600 مىڭ وتباسىنىڭ شەتەلدىك ارنالارى بار سپۋتنيكتىك تەلەارنالاردى قارايتىنىن جانە سوندىقتان ءوز ەلىمىزدە نە بولىپ جاتقانىن بىلمەيتىنىن مالىمدەدى.
«بۇل جەردە ەلىمىزدەگى اقپاراتتىق قاۋىپسىزدىك ماسەلەسى جايىندا. قازىرگى ۋاقىتتا 600 مىڭ وتباسى سپۋتنيكتى قارايدى. وندا قازاقستاندىق تەلەارنالار قورعالماعان. سوندا ەلىمىزدەگى 1,5 ميلليون ادام جاڭالىقتاردان حابارى جوق دەگەن ءسوز، ياعني، ولار قازاقستاندىق تەلەارنالاردى كورمەيدى جانە سوعان بايلانىستى قازاقستاندا نە بولىپ جاتقانىن بىلمەيدى دە»، - دەدى مينيستر ابايەۆ.
سونداي-اق، ول قازاقستان ازاماتتارىنىڭ ەشبىر تىركەۋى جوق سپۋتنيكتىك تەلەارنالاردى قولدانا الاتىنىن ايتتى. «جەرگىلىكتى ورگاندار تۇسىندىرمە جۇمىستارىن جۇرگىزەدى. تىركەلمەگەن سپۋتنيكتىك كارتالاردىڭ ساتىلىمىنا تىيىم سالىنادى. قولدانۋشىلار زارداپ شەكپەيدى»، - دەدى داۋرەن ابايەۆ.