ارشالى اۋدانىندا 1,5 ميلليون ا ق ش دوللارىنا پىستە شىعاراتىن كاسىپورىن سالىنۋدا
17:28, 07 - قاراشا 2015
كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگين ارشالى اۋدانىندا سالىنىپ جاتقان پىستە شىعاراتىن «مارتين ازيا» ج ش س وندىرىستىك بازاسىنىڭ قۇرىلىسىمەن تانىستى،
دەپ حابارلادى وبلىس اكىمىنىڭ باسپا ءسوز قىزمەتىنەن.
ايلىق قۋاتى 50 تونناعا دەيىن ءونىم شىعاراتىن جاڭا كاسىپورىن قۇرىلىسى جىبەك جولى اۋىلىندا قولعا الىنعان. عيمارات قازىردىڭ وزىندە 90 پايىزعا دايىن. كەلىسىمشارتقا سايكەس الداعى جەلتوقسان ايىندا جاڭا قوندىرعى اكەلىنىپ ورناتىلماق. وسىدان كەيىن كاسىپورىن جۇمىسىن باستايتىن بولادى.
جاڭا كاسىپورىن رەسەيلىك «مارتين گرۋپ» ا ا ق فيليالى بولىپ تابىلادى. جوبا قۇنى 1,5 ميلليون ا ق ش دوللارىن قۇرايدى. بۇل قاراجاتتى باس كاسىپورىن ءبولىپ وتىر.
دايىن ءونىم ەلىمىزدىڭ سولتۇستىك وڭىرىلەرىمەن قاتار، رەسەيگە ەكسپورتقا شىعارىلادى دەپ جوسپارلانۋدا.
اۆتور: اسلان وسپانوۆ