قايتارىمسىز 1,3 ميلليون تەڭگە گرانت الۋعا ءوتىنىش قابىلداۋ باستالدى
20-اقپاندا business.enbek.kz پورتالىندا جاڭا بيزنەس- يدەيالاردى ىسكە اسىرۋ ءۇشىن مەملەكەتتىك گرانتتار الۋعا ءوتىنىم قابىلداۋ باستالادى.
مەملەكەتتىك گرانت سوماسى - 1 ميلليون 380 مىڭ تەڭگە. ءار قاتىسۋشى ونى تەك ءبىر رەت الا الادى.
ەل بويىنشا ءبىرىنشى اعىندا 2577 گرانت بەرۋ جوسپارلانىپ وتىر.
قايتارىمسىز قارجى الۋعا كىمدەر ۇمىتكەر بولا الادى؟
تىركەلگەن جۇمىسسىزدار؛
جەكە كاسىپكەرلەر (تىركەۋ مەرزىمى 3 جىلعا دەيىن).
بۇل رەتتە ۇمىتكەر تومەندەگى الەۋمەتتىك ساناتتاردىڭ بىرىنەن بولۋى كەرەك:
مۇگەدەكتىگى بار ادامدار؛
قانداس مارتەبەسىن العاندار؛
قونىس اۋدارۋشىلار جانە ولاردىڭ ەڭبەككە قابىلەتتى وتباسى مۇشەلەرى؛
از قامتىلعان وتباسىلاردىڭ مۇشەلەرى؛
كوپبالالى وتباسىنىڭ مۇشەسى (جۇبايى، زايىبى)؛
مۇگەدەكتىگى بار بالانى تاربيەلەپ وتىرعاندار (جۇبايى، زايىبى)؛
اسىراۋشىسىنان ايىرىلۋ بويىنشا جاردەماقى الاتىندار.
ۇمىتكەردىڭ «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى سەرتيفيكاتى بولۋعا ءتيىس.
قايتارىمسىز گرانت الۋعا ءوتىنىش بەرۋ ءۇشىن:
Business.enbek.kz پورتالىندا تىركەلۋ كەرەك؛
گرانت الۋ شارتتارىنىڭ سايكەستىگىنە تەكسەرۋدەن ءوتۋ قاجەت؛
بيزنەس-جوسپار ۇلگىسىن جۇكتەپ الىپ، ونى تولتىرىپ، پورتالعا ەنگىزۋ كەرەك؛
ءوتىنىش نىسانىن تولتىرىپ جانە ەتسق كىلتىمەن قول قويۋ قاجەت.