ەلوردالىقتار گازدىڭ 1 مىڭ تەكشە مەترىنە 38697 تەڭگە تولەيدى
«بۇگىنگى تاڭدا قالا تۇرعىندارى گازدىڭ ءبىر مىڭ تەكشە مەترىنە 38697 تەڭگە تولەيدى»، - دەدى ول ەلوردا اكىمدىگىندە وتكەن باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، بۇگىندە قالا اۋماعىنا 650 شاقىرىم گاز قۇبىرى تارتىلىپ، پايدالانۋعا بەرىلدى. تۇتىنۋشىلارعا 5431 تەحنيكالىق شارت بەرىلىپ، 4599 وتباسى كوگىلدىر وتىندى قولدانىپ وتىر. شىلدە ايىندا 507 ابونەنت گازعا قوسىلدى.
«بيىل نۇر- سۇلتان قالاسىن گازداندىرۋ ەرەكشە قارقىن الدى. وعان «قازاق گاز» ۇلتتىق كومپانياسىنىڭ نۇر- سۇلتان قالاسى اكىمدىگىمەن بىرلەسىپ، گازداندىرۋ پروتسەسىن جەڭىلدەتۋگە باعىتتالعان بىرنەشە باستاماسى سەبەپ بولدى. تۇرمىستىق تۇتىنشىلارعا ىڭعايلى بولۋى ءۇشىن تەحنيكالىق شارتتاردى الۋعا قاجەتتى قۇجاتتار ءتىزىمى ەكى ەسە قىسقارتىلدى. تەحنيكالىق شارتتاردى جەدەل الۋدىڭ بىرنەشە باعىتى ايقىندالدى. ناتيجەسىندە تەحنيكالىق شارت بەرۋ 5 كۇننەن 15-20 مينۋتقا دەيىن قىسقاردى. تەحنيكالىق شارتتى الۋعا جانە بەرۋگە ءوتىنىمدى قابىلداۋدىڭ ونلاين قىزمەتى ىسكە قوسىلدى»، - دەدى شوتا شالوۆ.
ەسكە سالساق، قالا اكىمى ءار اۋدانداعى كوگىلدىر وتىنمەن قامتۋ جۇمىستارىنىڭ كولەمى تۋرالى ايتقان بولاتىن.
فوتو: verelq.am
اۆتور
مارلان جيەمباي