قور نارىعىندا دوللار 1,36 تەڭگەگە ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى تاعى تومەندەدى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار 1,36 تەڭگەگە تومەندەپ، 1 دوللار 455,04 تەڭگە بولدى.

ايتا كەتەيىك، ۇلتتىق بانكتىڭ 25-ساۋىردەگى رەسمي باعامى - 1 دوللار ءۇشىن 456,34 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 451,5 تەڭگە، ساتىپ الۋ - 454,5 تەڭگە.

ال استانا قالاسى بويىنشا اقش ۆاليۋتاسى 448,8 تەڭگەدەن ساتىلىپ جاتىر، ساتىپ الۋ قۇنى - 452,8 تەڭگە.

الماتىدا رەسەي ءرۋبلى 5,45 - 5,65 تەڭگە ارالىعىندا، استانادا 5,48 - 5,58 تەڭگە ارالىعىندا ساتىلۋدا.

ايتا كەتەيىك، قور نارىعىندا دوللار ەكىنشى كۇن قاتىرىنان ارزانداپ جاتقانىن جازعان بولاتىنبىز.