بۇل جونىندە «ازاماتتارعا ارنالعان ۇكىمەت» كورپوراتسياسىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.
«Nur Otan» پارتياسىنىڭ XVIII سەزىندە تۇڭعىش پرەزيدەنت نۇرسۇلتان نازاربايەۆتىڭ بەرگەن تاپسىرماسىنا سايكەس، مۇگەدەكتىگى بار بالالاردى تاربيەلەپ وتىرعان وتباسىلارعا بەرىلەتىن جاردەماقى كولەمى 0 ءوسۋى ءتيىس.
«بۇگىندە مۇمكىندىگى شەكتەۋلى بالالارى بار وتباسىلار كۇنكورىس كولەمىنىڭ 1,05 مولشەرىندە 31183 تەڭگە جاردەماقى الىپ وتىر. 1- شىلدەدەن باستاپ ونىڭ كولەمى 10395 تەڭگەگە ءوسىپ، 41578 تەڭگەنى قۇرايدى. ايتا كەتەيىك، ەلىمىزدە اتالعان ەكى جاردەماقى ءتۇرى 95 مىڭنان استام ادامعا تاعايىندالعان. ونىڭ 82 مىڭعا جۋىعى - مۇگەدەك بالانى تاربيەلەپ وتىرعاندار بولسا، 13 مىڭنان استامى - بالا كەزىنەن I توپتاعى مۇگەدەكتەرگە كۇتىم كورسەتەتىندەر» دەلىنگەن حابارلامادا.
جىلدىڭ ورتاسىنان باستاپ كولەمى وسىرىلەتىن جاردەماقىنىڭ قايتا ەسەپتەلۋىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەلەرى مەن ەڭبەك كوميتەتىنىڭ ايماقتىق دەپارتامەنتتەرى اۆتوماتتى تۇردە جۇزەگە اسىرادى، بۇل ءۇشىن جاردەماقى الۋشىلار قوسىمشا قۇجات تاپسىرمايدى.
جاردەماقى تاعايىنداۋ شىلدەنىڭ جانە كەلەسى ءاربىر ايدىڭ 1 نەن 15 نە دەيىن جۇمىس كۇندەرى جۇرگىزىلەدى.