ولجاس بەكتەنوۆ باس بوستاندىعىنان ايىرۋ جازاسى 8-10 جىلعا كوزدەلگەن كەي شەنەۋنىكتەر نەگە جازاسىن ەكى جىل عانا وتەپ، بوستاندىققا شىعىپ جاتقانىنا جاۋاپ بەردى.
«مەن دە كوپ قازاقستاندىق سياقتى مۇنى دۇرىس دەپ سانامايمىن. ءبىراق بۇل - 2021 -جىلعا دەيىن بولعان ىستەر. مەملەكەت باسشىسى 2020 -جىلعى قىركۇيەكتەگى جولداۋىندا سىبايلاس جەمقورلىققا جول بەرگەن شەنەۋنىكتەرگە جاۋاپكەرشىلىكتى كۇشەيتۋدى تاپسىردى. 2021 -جىلدان باستاپ اۋىر جانە اسا اۋىر سىبايلاس جەمقورلىق قىلمىس جاساعان تۇلعالار ءۇشىن شارتتى تۇردە مەرزىمىنەن بۇرىن بوساتۋ مۇمكىندىگى تولىعىمەن الىنىپ تاستالدى»، - دەدى ول.
سونداي-اق، ۆەدومستۆو باسشىسى ءماجىلىستىڭ بۇرىنعى سپيكەرى نۇرلان نىعماتۋلين مەن ونىڭ اعاسى ەرلانعا قاتىستى قىلمىستىق ءىس تۋرالى ايتتى.