2 - اقپاندا قوماقتى قاراجات اۋدارعاندار:
- تيمۋر تۋرلوۆ - 500 ميلليون تەڭگە؛
- دىنمۇحامەد ىدرىسوۆ - 300 ميلليون تەڭگە؛
- عالىمجان ەسەنوۆ - 250 ميلليون تەڭگە؛
- «باعىستان» ج ش س - 100 ميلليون تەڭگە؛
- «VERTEX TRANS» ج ش س - 20 ميلليون تەڭگە؛
- «ەدەلۆەيس ترانس» ج ش س - 20 ميلليون تەڭگە.
جالپى، بۇگىنگى تاڭدا قورعا 113, 4 ميلليارد تەڭگە اۋدارىلعان. بۇل قاراجات 16- قاڭتار مەن 2- اقپان ارالىعىندا الىندى، دەپ حابارلادى قوردىڭ باسپا ءسوز قىزمەتى.
ەسكە سالايىق، بۇعان دەيىن قور جىلىنا كەمىندە 100 ميلليارد تەڭگە كولەمىندە قاراجات جينايدى دەپ بولجانعان بولاتىن. بولجام شەتەلدىك جانە حالىقارالىق كومپانيالاردان قاراجات الۋدى كوزدەمەگەن. «قازاقستان حالقىنا» قوعامدىق قورى مەملەكەت باسشىسى قاسىم- جومارت توقايەۆتىڭ دەنساۋلىق ساقتاۋ، ءبىلىم، الەۋمەتتىك سالا، مادەنيەت جانە سپورت سالالارىنداعى ناقتى ماسەلەلەردى شەشۋ جونىندەگى باستاماسىن قولداعان بارلىق قازاقستاندىقتارعا، ءىرى كاسىپورىندارعا، ەڭبەك ۇجىمدارىنا العىس ايتادى.