بۇل تۋرالى ق ر باس پروكۋراتۋراسىنان ءمالىم ەتتى، دەپ حابارلايدى قازاقپارات ءتىلشىسى.
«بۇگىندە «قازاقستان حالقىنا» قوعامدىق قورى قاڭتار وقيعاسى كەزىندە زارداپ شەككەن وتباسىلارعا 1,1 ميلليارد تەڭگە سوماسىندا ماتەريالدىق كومەك تولەدى»، - دەلىنگەن باس پروكۋراتۋرانىڭ قازاقپارات ساۋالىنا بەرگەن جاۋابىندا.
ۇسىنىلعان مالىمەتكە سايكەس، قاڭتار وقيعاسى كەزىندە 238 ادام، ونىڭ ىشىندە 219 بەيبىت تۇرعىن، قۇقىق قورعاۋ ورگاندارىنىڭ 19 قىزمەتكەرى مەرت بولدى. 16 مەديتسينا قىزمەتكەرى، ءورت ءسوندىرۋ قىزمەتىنىڭ 34, قۇتقارۋ قىزمەتىنىڭ 8 مامانى دەنە جاراقاتىن الدى.
«ازاماتتار ءولىمىنىڭ جانە دەنە جاراقاتىن الۋىنىڭ ءاربىر فاكتىسى قىلمىستىق ءىستىڭ تەرگەۋ نىسانى سانالادى. جالپى، سوتقا 673 قىلمىستىق ءىس جىبەرىلدى. ولار بويىنشا 1222 تۇلعا سوتتالدى، ونىڭ ىشىندە 160 تۇلعا باس بوستاندىعىنان ايىرىلدى»، - دەپ اتاپ وتەدى باس پروكۋراتۋرادان.