قازاقستان حالقىنىڭ سانى 1- قىركۇيەكتە 18,074 ميلليون ادامعا جەتتى

فوتو: None
استانا. قازاقپارات - قازاقستاندا حالىق سانى 2017-جىلعى 1- قىركۇيەكتەگى ەسەپ بويىنشا 18074100 ادامعا جەتتى.

2016-جىلدىڭ 1- قىركۇيەگىمەن سالىستىرعاندا 232,5 مىڭ ادامعا كوبەيىپ، ءوسىم %1,3 ءتى قۇرادى، دەپ حابارلايدى «قازاقپارات» ح ا ا قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

ەسەپتى كەزەڭدە قازاقستاندا قالا حالقىنىڭ سانى 10367,4 مىڭ ادام (جالپى حالىق سانىنىڭ W,4 ءى)، اۋىل حالقىنىڭ سانى 7706,7 مىڭ ادام (B,6) بولعان.

ازاماتتىق احۋالدى تىركەۋ ورگاندارىنىڭ بەرگەن مالىمەتتەردى وڭدەۋ ناتيجەسىندە اعىمداعى جىلدىڭ قاڭتار-تامىز ايلارىندا 257,5 ءسابي دۇنيەگە كەلگەنى انىقتالدى، بۇل كورسەتكىش 2016-جىلدىڭ وسى كەزەڭىمەن سالىستىرعاندا %6,5 كە از. 1 مىڭ ادامعا شاققاندا جالپى تۋۋ كوەففيتسيەنتى 21,45 ءتى قۇرايدى.

رەسپۋبليكا حالقىنىڭ تابيعي ءوسىمى وسى كەزەڭدە 2016-جىلدىڭ قاڭتار-تامىزىمەن سالىستىرعاندا 17,3 مىڭ ادامعا نەمەسە %9,3 كە قىسقارىپ، 169,4 مىڭ ادامدى كورسەتتى.

حالىق سانىنىڭ تابيعي ءوسۋ كوەففيتسيەنتى 1 ادامعا شاققاندا 14,11 ادام بولدى. وسى ەسەپتى كەزەڭدە 88,1 مىڭ ادام قايتىس بولدى، بۇل 2016-جىلدىڭ قاڭتار-تامىزىنداعى كورسەتكىشتەن %0,8 كە از دەگەن ءسوز.

1 مىڭ ادامعا شاققانداعى جالپى ءولىم كوەففيتسيەنتى 7,34 ءتى قۇرادى. 2017-جىلدىڭ قاڭتار-تامىزىندا رەسپۋبليكادا 1 جاسقا دەيىنگى بالالاردىڭ 2140 ءولىمى تىركەلدى، ياعني 2016-جىلدىڭ وسى كەزەڭىمەن سالىستىرعاندا بۇل كورسەتكىش ,7 كە قىسقارعان.