جاڭاوزەندەگى جارىلىستان 1 ادام قازا تاۋىپ، 13 ادام زارداپ شەكتى
10:56, 17 - ءساۋىر 2023
اقتاۋ. قازاقپارات - جاڭاوزەندەگى جارىلىستان 1 ادام قازا تاۋىپ، 13 ادام زارداپ شەكتى.
بۇل تۋرالى ماڭعىستاۋ وبلىسى اكىمىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
17-ءساۋىر كۇنى ساعات 05:04-تە جاڭاوزەن قالاسىندا ەكى كىرەبەرىستى، 12 پاتەرلى، 2 قاباتتى تۇرعىن ءۇيدىڭ 2-كىرەبەرىسىندەگى پاتەرىندە جارىلىس بولدى. بولجام بويىنشا گاز قوسپاسى جارىلىپ، 150 ش. م. اۋماق زاقىمدانعان.
«ساعات 08:30-دا ءۇيىندى استىنان التى ادام شىعارىلدى. 08:30-عا دەيىن 13 ادام زارداپ شەكتى، ونىڭ ىشىندە 1 ءمايىت تابىلدى، 5 ادام اۋرۋحاناعا جاتقىزىلدى، 7 ادام ۇيىنە شىعارىلدى» دەلىنگەن باسپا ءسوز مالىمەتىندە.
جارىلىس سالدارىنان 3 پاتەر زارداپ شەكتى. تۇرعىن ءۇي گازدان اجىراتىلعان. اۋماق ۇيىندىدەن تازارتىلۋدا. وقيعانىڭ سەبەپتەرى مەن جاعدايلارى انىقتالۋدا. ت ج د جەدەل شتابى مەن سەنىم تەلەفونى جۇمىس ىستەپ تۇر.