قازاقستاندا دارەتحانا قاعازى 1 جىلدا 11 پايىزعا قىمباتتادى
Energyprom.kz سايتىنىڭ مالىمەتىنشە، بۇل كورسەتكىش ءبىر جىل بۇرىنعى كولەمنەن 23 پايىزعا كوپ. دەگەنمەن، ونەركاسىپتىك ءوندىرىس يندەكسى 99,4 پايىزدى قۇراپ، سەكتوردا ناقتى شىعارىلعان ءونىم كولەمىنىڭ قىسقارعانىن كورسەتىپ وتىر. وڭىرلەر اراسىندا قاعاز جانە قاعاز ونىمدەرىنىڭ باسىم بولىگى الماتى وبلىسىندا (6,4 ميلليارد تەڭگە)، الماتى قالاسىندا (5,2 ميلليارد تەڭگە) جانە شىعىس قازاقستان وبلىسىندا (1,6 ميلليارد تەڭگە) شىعارىلعان.
جالپى قازاقستاننىڭ قاعاز جانە قاعاز بۇيىمدارى سەكتورى يمپورتقا تاۋەلدى. ايتالىق، وسى جىلدىڭ قاڭتارىندا جەرگىلىكتى كومپانيالار ىشكى نارىقتىڭ داپتەرگە سۇرانىسىن 69,8 پايىزعا عانا قامتىپ وتىر. ال ءبىر جىل بۇرىن بۇل كورسەتكىش 88,2 پايىز بولعان ەدى.
ونىڭ ۇستىنە سۋلىق، مايلىق، جايالىق، تامپون سىندى سانيتارلىق- گيگيەنالىق تاۋارلاردىڭ 96,4 پايىز شەت ەلدەردەن جەتكىزىلەدى. قاعاز نەمەسە كارتوننان كوررەسپوندەنتسياعا ارنالعان ونىمدەر، حاتقالتا، اشىق حات، سونىمەن قاتار قاعازدان جاسالعان قوراپ، سومكە، قويىنداپتەر سىندى ونىمدەردىڭ 45,4 پايىزىن وتاندىق كومپانيالار قامتاماسىز ەتىپ وتىر.
ءبىر جىل بۇرىن بۇل كورسەتكىش نەبارى 28,7 پايىز بولدى. قازاقستان كومپانيالارى ىشكى نارىقتا تۇتىنىلاتىن دارەتحانا قاعازىنىڭ، ورامالدىڭ، سۋلىق پەن مايلىقتىڭ 70,9 پايىزىن وندىرەدى. ايتا كەتەرلىگى، وسى جىلدىڭ ناۋرىز ايىنىڭ قورىتىندىسىندا دارەتحانا قاعازى جىل ىشىندە 11,3 پايىزعا قىمباتتادى. وڭىرلەر اراسىندا اتىراۋ وبلىسىندا دارەتحانا قاعازى بىردەن 31,5 پايىزعا قىمباتتاپ وتىر. ودان كەيىنگى ورىندا ەلوردا (پليۋس 21,6%) مەن قوستاناي وبلىسى (پليۋس ,7) تۇر. ال شىمكەنت قالاسىندا نە ءبارى ەكى پايىزعا وسكەن.
رەسمي دەرەكتەرگە قاراعاندا، ا4 قاعازى ءبىر جىلدىڭ ىشىندە 4,4 پايىزعا وسكەن. ءبىراق قازاقستاندىقتار دا، ديستريبيۋتەرلەر دە مۇنىڭ شىندىققا جاناسپايتىندىعىن العا تارتادى.
ماسەلەن، ABDI كومپانياسىنىڭ دەرەگىنشە، وسى جىلدىڭ ءبىرىنشى توقسانىندا ا4 قاعازىنىڭ بولشەك ساۋداداعى باعاسى بىردەن 100 پايىزعا قىمباتتاعان.
ناقتى ايتار بولساق، Svetocopy A4 (500 پاراق) كەڭسە قاعازىنىڭ قۇنى 1-قاڭتاردا 1495 تەڭگە بولسا، 30 ناۋرىزدا باعا 3000 تەڭگەگە جەتكەن. ايتا كەتەرلىگى، ءساۋىر- مامىر ايلارىنىڭ ىشىندە رەسەيدەن قازاقستانعا قاعاز جەتكىزۋ قايتا تۇراقتالادى.