بۇل تۋرالى بۇگىن ق ر ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتى ءتوراعاسىنىڭ ورىنباسارى ءلاززات بولەبايەۆا ءمالىم ەتتى.
«بيىل ۇ ب ت كەزىندە تەستىلەۋدەن شىعارىلعاندار بولدى. جالپى 38 وقيعا بولدى. ۇ ب ت- نى وتكىزۋ ەرەجەلەرىنە سايكەس، ناتيجەلەرى جويىلعان تۇلەكتەر مەكتەپتە قورىتىندى اتتەستاتسيانى تاپسىرادى. قولدارىنا اتتەستات ەمەس، سەرتيفيكات الادى. ولار كەلەسى جىلى ۇ ب ت- عا قاتىسۋعا قۇقىلى. ءنول بال العان جاعدايلارعا كەلەتىن بولساق، بيىل ونداي ءبىر وقيعا تىركەلدى»، - دەپ اتاپ ءوتتى ول بۇگىن ورتالىق كوممۋنيكاتسيالار قىزمەتىندە وتكەن بريفينگتە.
ۇلتتىق تەستىلەۋ ورتالىعىنىڭ ديرەكتورى قالي ابديەۆتىڭ ايتۋىنشا، ۇ ب ت كەزىندە ول وقۋشى تەستىلەۋدى سوڭىنا دەيىن اياقتاماستان شىعىپ كەتكەن.
«ول ءوزىنىڭ سىناعىن سوڭىنا دەيىن تولتىرماي شىعىپ كەتكەن. نەگە ولاي ىستەدى، ءبىز بىلمەيمىز، ءبىراق ونداي فاكت تىركەلگەن»، - دەدى ول.
«13 جىل ىشىندە ۇ ب ت- عا 1 ميلليون 587 مىڭ مەكتەپ ءبىتىرۋشى قاتىستى. بيىلعى ۇ ب ت 165 پۋنكتتە ءوتتى. اعىمداعى جىلعى 121 مىڭ ءبىتىرۋشىنىڭ ىشىندە ۇ ب ت- عا قاتىسۋعا 87 مىڭ تۇلەك ءوتىنىش بەرگەن. ونىڭ ىشىندە قازاق تىلىندە - 83330، ورىس تىلىندە 23984 بالا. تەستىلەۋگە 84079 مەكتەپ ءبىتىرۋشى قاتىستى. بىرنەشە رەت ءتارتىپ بۇزعان 38 تۇلەك تەستىلەۋدەن شىعارىلدى جانە ناتيجەلەرى جويىلدى. تەستىلەۋ بارىسىندا شەكتى 50 باللدى 14252 تۇلەك جيناي المادى. 52982 بالادان تىيىم سالىنعان زاتتار تابىلدى. جالپى ۇ ب ت ۇيىمداسقان دەڭگەيدە ءوتتى. بيىلعى ورتاشا بال - 81,2 بال. 2015 -جىلى 79,4 بال بولعان ەدى»، - دەپ اتاپ ءوتتى ول بۇگىن ورتالىق كوممۋنيكاتسيالار قىزمەتىندە وتكەن بريفينگتە.
ونىڭ مالىمەتتەرى بويىنشا، ەڭ جوعارى 125 بالدى بيىل 19 بالا جينادى. 2015 -جىلى 5 مەكتەپ تۇلەگى عانا جيناعان بولاتىن. 100 بالدان استام جيناعان بالالار سانى - 16565.
«رەسپۋبليكالىق اپپەلياتسيالىق (شاعىم ارىز) كوميسسياعا تەست تاپسىرمالارىنىڭ مازمۇنى بويىنشا 547 ءوتىنىش كەلىپ ءتۇستى. ونىڭ ىشىندە 141 ى قاناعاتتاندىرىلدى. اعىمداعى جىلى شەكتى دەڭگەيدەن وتە الماعان تۇلەكتەر ج و و- نىڭ اقىلى بولىمىنە ءتۇسۋ ءۇشىن، قايتا كەشەندى تەستىلەۋدەن وتۋگە قۇقىلى. اتالعان تەستىلەۋ تۇرىنە قاتىسۋ ءۇشىن وتىنىشتەردى قابىلداۋدى ج و و قابىلداۋ كوميسسيالارى 1- ءى مەن 8 - تامىز ارالىعىندا جۇزەگە اسىرادى. تەستىلەۋ 19 - 24 - تامىز ارالىعىندا وتكىزىلەدى»، - دەپ ءتۇيدى ءسوزىن كوميتەت ءتوراعاسىنىڭ ورىنباسارى.