قۇستىڭ يەسى دۋەين ورەندەر ونى جۇمىرتقانى جارىپ شىققان ساتىنەن باستاپ باعىپ- قاققان. ەكەۋى 40 جىلدان استام ۋاقىت اجىراماي بىرگە ءومىر سۇرگەن. يەسى ۇزاق ۋاقىت ۇيدە بولماسا، كوگەرشىن تاماق ىشپەي، ساعىنىپ قالاتىن بولعان.
قانتتىڭ ومىرىندە قىزىقتى ساتتەر دە از ەمەس. 1990-جىلدارى ونىڭ روۋز ەسىمدى «سەرىگى» بولعان. ول ولگەننەن كەيىن ول ۇزاق ۋاقىت ءۇنسىز قالعان. ءبىراق مۋزىكاعا دەگەن سۇيىسپەنشىلىگى ەرەكشە بولعان: اۋەن قوسىلسا، ىرعاققا ىلەسىپ «بيلەگەن». ءتىپتى ەكى مۋزىكالىق بەينەبايانعا دا تۇسكەن.
كوگەرشىن يەسىمەن بىرگە تەلەديدار قاراپ، اسىرەسە اسپازدىق باعدارلامالاردى جاقسى كورگەن. مامانداردىڭ ايتۋىنشا، ونىڭ ۇزاق ءومىر ءسۇرۋىنىڭ باستى سىرى - تۇراقتى كۇتىم مەن يەسىمەن اراسىنداعى بەرىك بايلانىس.