ە و رەسەي مۇنايىنىڭ باعاسىن 50 دوللارعا دەيىن تومەندەتۋدى ۇسىنباق
استانا.قازاقپارات - 20-22 -مامىردا كانادادا وتەتىن G7 قارجى مينيسترلەرىنىڭ وتىرىسىندا ەۋرووداق تەڭىز ارقىلى تاسىمالداناتىن رەسەيلىك مۇنايدى ساتىپ الۋدىڭ ماكسيمالدى باعاسىن تومەندەتۋدى ۇسىنباق، دەپ حابارلايدى DW.
بۇل تۋرالى دۇيسەنبى، 19-مامىردا ەكونوميكالىق ماسەلەلەر بويىنشا ەۋروپا كوميسسارى ۆالديس دومبروۆسكيس مالىمدەدى. ونىڭ ايتۋىنشا، بۇل ماسەلەنى ە و كوميسسياسى رەسەيگە ۋكرايناعا اسكەري ارالاسۋى ءۇشىن سالعان ەكونوميكالىق سانكسيالاردىڭ جاڭا پاكەتىن تالقىلاۋ كەزىندە كوتەرگەن.
دومبروۆسكيس ە و- نىڭ «باعانىڭ شەكتى دەڭگەيىن» قانشاعا تومەندەتپەك نيەتى بار ەكەنىن ناقتىلامادى، ءبىراق تالقىلاۋلاردان حاباردار ە و- نىڭ اتىن اتاماعان شەنەۋنىكتەرى Reuters اگەنتتىگىنە باررەلىنە 50 دوللار ازىرلەنىپ جاتقانىن ايتتى. قازىر رەسەيدەن كەلەتىن مۇنايدىڭ ءبىر باررەلى ءۇشىن باعانىڭ شەگى 60 دوللاردى قۇرايدى.
ەۋروپالىق وداق قازىر ۋكرايناداعى اگرەسسياسى ءۇشىن ماسكەۋگە قارسى بۇرىن-سوڭدى بولماعان سانكسيالار رەجيمىن ەنگىزۋگە دايىندالۋدا، بۇل تۋرالى ەۋرووداق سىرتقى ىستەر كەڭەسىنىڭ 20 -مامىرداعى وتىرىسىندا جاريالانادى.
كەلەسى كەزەكتە كانادادا 17سانكسيالار جيناعى قابىلدانادى. ونىڭ اياسىندا سانكسيالار تىزىمىنە 75 جاڭا زاڭدى جانە جەكە تۇلعا، سونداي-اق قازىرگى ەمبارگونى اينالىپ ءوتىپ، رەسەي مۇنايى مەن مۇناي ونىمدەرىن شەتەلدىك تۋمەن تاسىمالدايتىن «كولەڭكەلى فلوتتىڭ» 200 كەمەسى قوسىلادى. بۇل ە و سانكسيالار تىزىمىندەگى ادامداردىڭ سانىن 2500-دەن جانە كەمەلەر سانىن 300-دەن ارتتىرادى.
ەۋروپالىق وداقتىڭ گيبريدتىك قىزمەتكە قاتىستى سانكسيالىق رەجيمى اياسىندا رەسەي فەدەراتسياسىندا 27 جەكە جانە زاڭدى تۇلعالارعا قاتىستى جەلىلىك شارالار، سونداي-اق جەكە سانكسيالار ەنگىزىلەدى. رەسەيدەن تاعى 28 جەكە جانە زاڭدى تۇلعا ادام قۇقىقتارىن بۇزعانى ءۇشىن ە و- نىڭ جاھاندىق سانكسيالىق رەجيمى بويىنشا سانكسيالار تىزىمىنە قوسىلادى.
سونىمەن قاتار، حيميالىق قارۋ قولدانعانى ءۇشىن رەسەيگە قارسى سانكسيالار ەنگىزۋ جوسپارلانۋدا. اقپاراتتا اڭگىمە ماسكەۋدىڭ ۋكراينادا سوعىس جۇرگىزۋ قۇرالى رەتىندە پايدالانىپ جاتقان جاپپاي تارتىپسىزدىكتەردى باسۋ ءۇشىن قولدانىلعان حيميالىق قارۋعا قاتىستى ەكەنى ايتىلعان.
ەسكە سالا كەتەيىك، ترامپ پۋتينمەن سويلەسكەنىن جوعارى باعالادى.
اۆتور
بەگابات ۇزاقوۆ