- بۇل ماسەلە جىل اياعىنا دەيىن پىسىقتالادى، سەبەبى وسىنى تالقىلاۋ ءىس- قيمىل جوسپارىنا ەنگىزىلگەن. سوندىقتان ءتيىستى مەرزىم ايقىندالدى جانە ونىڭ اياسىندا جىل سوڭىنا دەيىن تالقىلانادى، - دەدى ا. ەرتايەۆ ۇكىمەتتەگى باسپا ءسوز ءماسليحاتىندا.
بۇل تۇرعىدا تىلشىلەر «جىل سوڭىندا ەڭ تومەنگى جالاقى ارتا ما؟» دەپ ناقتىلاپ سۇرادى.
- ول جايىندا ناقتى ايتا المايمىن، سەبەبى جىل اياعىنا دەيىن ءتيىستى ادىستەمە عانا ايقىندالۋى مۇمكىن. ەكىنشىدەن، ونىڭ قانشالىقتى كوتەرىلەتىنى بەلگىلەنۋى ءتيىس. وسىدان كەيىن بيۋدجەت پروتسەسى بار، بۇعان دا ۋاقىت كەرەك، - دەدى مينيستر.
ونىڭ سوزىنە قاراعاندا، جاڭا ادىستەمە ەڭ تومەنگى جالاقىنى كوتەرۋگە باعىتتالىپ وتىر.
ەسكە سالساق، جاقىندا ۇلتتىق ەكونوميكا ءمينيسترىنىڭ ءبىرىنشى ورىنباسارى ازامات ءامرين ۇكىمەتتىڭ الدىندا ەڭ تومەنگى جالاقىنى 150 مىڭ تەڭگەگە دەيىن كوتەرۋ مىندەتى تۇرعانىن ايتقان بولاتىن.