ۇ ق ك: ماۋسىمدا شەكارا بۇزعان 5 مىڭنان استام ادام ۇستالدى

استانا. KAZINFORM – ۇ ق ك شەكارا قىزمەتى 2025-جىلعى ماۋسىم ايىنداعى ءىس-قيمىل ناتيجەلەرى تۋرالى مالىمدەدى.

ۇ ق ك شەكارا قىزمەتى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا 2025-جىلعى ماۋسىمدا قۇزىرلى ورگاندارمەن ءوزارا ارەكەتتەسە وتىرىپ:

شەكارا كەڭىستىگىندە قازاقستان رەسپۋبليكاسىنىڭ زاڭنامالارىن بۇزعان 5359 ادام ۇستالدى، سونىڭ ىشىندە 4696 شەتەل ازاماتتارى.

مەملەكەتتىك شەكارا ارقىلى 1569 زاڭسىز الىپ ءوتۋ فاكتىلەرىنىڭ الدى الىندى، سونىڭ ىشىندە:

62 - قارۋلار مەن وق-دارىلەر؛

22 - ءدىني ادەبيەت (346 دانا)؛

470 - جالپى سوماسى 6,8 ميلليون تەڭگەدەن اساتىن جانار-جاعارماي ماتەريالدارى؛

837 - جالپى سوماسى 2,8 ميلليارد تەڭگەدەن استام حالىق تۇتىنۋ تاۋارلارى؛

178 - جالپى سوماسى 1,5 ميلليارد تەڭگەدەن استام شەتەل ۆاليۋتاسى.

كاسپي اكۆاتورياسىندا 58 براكونەرلىك فاكتىلەرىنىڭ الدى الىندى، سونداي-اق:

25 دانا ءجۇزۋ قۇرالدارى، جالپى ۇزىندىعى 20 ك م اسا توردى قۇرايتىن براكونەرلىك اۋلاۋ قۇرالدارى، الدى الىنعان زالال سوماسى شامامەن 34 ميلليون تەڭگە.

- بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى. مەملەكەتتىك شەكارادا قانداي ءدا بىر شەكتەۋ شارالارى ەنگىزىلگەن جوق، وتكىزۋ پۋنكتتەرى شتاتتىق رەجيمدە جۇمىس ىستەپ جاتىر، - دەلىنگەن ۇ ق ك باسپا ءسوز قىزمەتى حابارلاماسىندا.

ايتا كەتەلىك قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە قوسۋ ارقىلى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) قايتا ۇيىمداستىرىلادى.