ۇ ق ك الماتىدا جاسىرىن ەسىرتكى زەرتحاناسىن انىقتاپ، جولىن كەستى
الماتى. KAZINFORM - وسى جىلدىڭ 8-قاراشاسىندا ۇ ق ك الماتى قالاسى بويىنشا دەپارتامەنتى پروكۋراتۋرا ورگاندارىنىڭ ۇيلەستىرۋىمەن سينتەتيكالىق ەسىرتكى وندىرىسىنە قاتىستى جاسىرىن زەرتحانانىڭ ارەكەتىنىڭ جولىن كەستى.
پسيحوتروپتىق زاتتى دايىنداۋ كەزىندە قازاقستان ازاماتى ۇستالىپ، سوت سانكتسياسىمەن قاماۋعا الىنعان.
«ءتىنتۋ بارىسىندا 7 ك گ استام دايىن جانە 30 ليتر «مەفەدرون» سۇيىق پسيحوتروپتىق زاتى، سونداي-اق زەرتحانالىق جابدىقتار مەن ەسىرتكى دايىنداۋعا ارنالعان پرەكۋرسورلار الىندى.
بۇل فاكتى بويىنشا قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە»، - دەپ جازدى ۇ ق ك باسپا ءسوز قىزمەتىنەن.
قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى.
ايتا كەتەيىك، بۇعان دەيىن قىزىلوردا وبلىسىندا ەسىرتكى وسىرۋمەن اينالىسقان 3 فيتوزەرتحانا جويىلعان بولاتىن.
اۆتور
اسحات رايقۇل