ۇ ق ش ۇ ارمەنيانىڭ ەگەمەندىگىنە قاۋىپ ءتوندىرىپ تۇر - پاشينيان

استانا. قازاقپارات - ۇجىمدىق قاۋىپسىزدىك تۋرالى شارت ۇيىمى ارمەنيانىڭ ەگەمەندىگىنە قاۋىپ ءتوندىرىپ تۇر. بۇل تۋرالى ارمانيانىڭ پرەمەر-ءمينيسترى نيكول پاشينيان جالپى ارميان فورۋمىندا مالىمدەدى، دەپ حابارلايدى 24KZ.

«ءبىز بارلىق كەلىسىمدەردى توقتاتتىق. سەبەبى ۇيىم ءوز مىندەتتەمەلەرىن ورىنداعان جوق. ءتىپتى ءبىزدىڭ ەلدىڭ ەگەمەندىگىنە قاۋىپ ءتوندىرىپ تۇر»، - دەدى ول.

ەسكە سالا كەتەيىك، رەسمي ەريەۆان قاۋىپسىزدىك ۇيىمىنان شىعۋ تۋرالى ۇستانىمىن ماۋسىم ايىندا ايقىنداعان بولاتىن.

ۇجىمدىق قاۋىپسىزدىك تۋرالى شارت ۇيىمى، ۇ ق ش ۇ (ورىسشا قىسقارتىلعان اتاۋى- و د ك ب) - تاۋەلسىز مەملەكەتتەر دوستاستىعىنىڭ اسكەري-ساياسي ۇيىمى. 1992 -جىلى 15-مامىردا تاشكەنت قالاسىندا ارمەنيا، قازاقستان، قىرعىزستان، رەسەي، تاجىكستان جانە وزبەكستانمەن قۇرىلدى.

كەيىننەن ۇ ق ك ۇيىمىنا ءازىربايجان، بەلارۋس جانە گرۋزيا قوسىلدى. كەلىسىم 1994 -جىلى 20-ساۋىردە راتيفيكاتسيا پروتسەسى اياقتالعاننان كەيىن، 5 جىل مەرزىمگە كۇشىنە ەندى. كەلىسىمدى تاعى 5 جىلعا ۇزارتۋ جونىندەگى حاتتاماعا ارمەنيا، بەلارۋس، قازاقستان، قىرعىزستان، رەسەي فەدەراتسياسى جانە تاجىكستان پرەزيدەنتتەرى 1999 -جىلى 2 -ساۋىردە قول قويدى.

بۇل حاتتامامەن كەلىسىمنىڭ مەرزىمىن وزدىگىنەن 5 جىل وتكەن سايىن ۇزارتىپ وتىرۋ قاراستىرىلعان. ءازىربايجان، گرۋزيا جانە وزبەكستان كەلىسىمنىڭ مەرزىمىن ۇزارتپادى.

مۇشە- مەملەكەتتەردىڭ قىزمەتىندەگى باسىم باعىتتار: جاڭا ترانسۇلتتىق ايباتتار مەن قاۋىپتەرگە قارسى تۇرۋ؛ ورىن الىپ وتىرعان نەمەسە ىقتيمال ايماقتىق نەمەسە شاعىن قاقتىعىستاردىڭ الدىن الۋ، شەشىمىن تابۋ؛ حالىقارالىق لاڭكەستىكپەن، اگرەسسيۆتى ەكسترەميزممەن، قارۋ مەن ەسىرتكىنىڭ زاڭسىز اينالىمىمەن، ۇيىمداسقان قىلمىسپەن، جاپپاي قىرىپ-جويۋ قارۋىن تاراتۋمەن كۇرەس.

2002 -جىلى ۇ ق ك ۇجىمدىق قاۋىپسىزدىك كەلىسىمى ۇيىمىنا وزگەردى.

https://24.kz/kz