اتىراۋ وبلىسىنىڭ يساتاي اۋدانىندا بەس جاسار بالا كارىز قۇدىعىنا ءتۇسىپ كەتكەن. ونى تابا الماعان اتا-اناسى اۋداندىق پوليتسيا بولىمىنە جۇگىنگەن، دەپ حابارلايدى قازاقپارات ءتىلشىسى.
اتىراۋ وبلىستىق پوليتسەي دەپارتامەنتىنىڭ باسپا ءسوز قىزمەتىنەن ءمالىم ەتكەندەي، بەس جاسار بالا كەشە، 19-قىركۇيەكتە جوعالىپ كەتكەن.
«اققىستاۋ اۋىلىنىڭ تۇرعىنى جەرگىلىكتى ۋاقىتپەن ساعات 17:48 شاماسىندا اۋداندىق پوليتسيا بولىمىنە جۇگىنىپ، 20 مينۋت بۇرىن 5 جاسار ۇلىنىڭ جوعالىپ كەتكەنى تۋرالى حابار بەردى. ءتارتىپ ساقشىلارى جەدەل ىزدەستىرۋ جۇمىستارىن جۇرگىزدى. سول كەزدە بالانىڭ داۋىسى تۇرعىن ءۇي اۋلاسىنداعى كارىز قۇدىعىنان شىققان. كارىز قۇدىعىنا ءتۇسىپ كەتكەن 5 جاسار امان-ەسەن شىعارىلدى»، - دەپ حابارلادى دەپارتامەنتتىڭ باسپا ءسوز قىزمەتى.
جەرگىلىكتى دارىگەرلەر بالاقايعا جان-جاقتى تەكسەرۋ جۇرگىزدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан