پەتروپاۆلدا ەر ادام ءبىر جاسار قىزىن تەرەزەدەن لاقتىرماق بولعان

پەتروپاۆلدا ايەلىمەن جانجالداسىپ قالعان سوڭ ءبىر جاسار بالاسىن تەرەزەدەن لاقتىرماق بولعان ەر ادام ۇستالدى، دەپ حابارلايدى ق ر ءى ءى م باسپا ءسوز قىزمەتى.

20-قىركۇيەك كۇنى ساعات 17:49 شاماسىندا پەتروپاۆل قالاسىندا "پ ب ماياكوۆسكوگو، 93" مەكەنجايىندا ورنالاسقان جاتاقحانانىڭ 5-قاباتىنداعى بولمەدە توبەلەس بولىپ جاتقانى تۋرالى حابارلاما تۇسكەن.

وقيعا ورنىنا كەلگەن پوليتسەيلەر بولمەنىڭ ىشىندە ەسىكتى قۇلىپتاپ العان جانە نارەستەنى تەرەزەدەن لاقتىرىپ جىبەرەمىن دەپ قورقىتقان ەر ادام بار ەكەنىن انىقتادى. جاتاقحانانىڭ جانىنا ۋچاسكەلىك پوليتسيا ينسپەكتورلارى، ت ج د، مەديتسينا قىزمەتكەرلەرى كەلدى.

ت ج د قىزمەتكەرى ءوزىن شاتىرعا بايلاپ، تەرەزە ارقىلى ىشكە ەندى. ەر ادامدى ەدەنگە قۇلاتىپ، ەسىكتى اشقان سوڭ ىشكە س ق و پ د ج ق ا ج قىزمەتكەرلەرى كىرىپ، بولمەنىڭ يەسىن قولعا ءتۇسىردى.

2023 -جىلى تۋعان قىز بالا، الدىن الا مالىمەت بويىنشا، زارداپ شەكپەدى. نارەستە مەديتسينا قىزمەتكەرلەرىنە بەرىلدى.

ۇستالعان ازامات – س ق و-نىڭ 23 جاستاعى تۇرعىنى، ءوزى ماساڭ كۇيدە بولعان. بىرگە تۇرىپ جاتقان 21 جاستاعى ايەلى ەكەۋى جانجالداسىپ قالعان. ەر ادام ورتاق كىشكەنتاي نارەستەنى تەرەزەدەن لاقتىرامىن دەپ قورقىتقان.

سوتقا دەيىنگى تەرگەۋ جۇرگىزىلۋدە، وقيعانىڭ ءمان-جايى انىقتالىپ جاتىر.