سەن كىمسىڭ؟ زەينەپ احمەتوۆا كەلىنىن جاماندايتىن ەنەلەرگە ءۇن قاتتى
باۋىرجان مومىش ۇلىنىڭ كەلىنى، جازۋشى، قازاق ءداستۇرىن ناسيحاتتاۋشى زەينەپ احمەتوۆا كەلىنىن جاماندايتىن ەنەلەرگە ءۇن قاتتى.
بۇل تۋرالى ول جۋرناليست ەرلان ءابدىر ۇلىنا بەرگەن سۇحباتىندا ءبولىستى.
«كەلىنىن جاماندايتىن ەنەلەرگە ايتامىن. سول كەلىنگە سەنىڭ قانداي ەڭبەگىڭ ءسىڭدى؟ سەن تۋعان جوقسىڭ، سەن ءتۇن ۇيقىڭدى ءتورت ءبولىپ، بەسىك تەربەتپەدىڭ، اۋىرعان كەزدە سارىلىپ قاسىندا وتىرمادىڭ، ونىڭ ءتاي-ءتاي باسقانى، ونىڭ جۇرگەنى، ونىڭ باقشاعا بارعانى، اۋىرتپالىعىنىڭ بارلىعىن اتا-اناسى كوتەردى. وقىتتى، جەتىلدىردى، داپ-دايىن كۇيى سەنىڭ قولىڭا «ءما» دەپ ۇستاتا سالدى. ءبۇتىن ءبىر ادامدى. دايىن دۇنيەگە يە بولا الماساڭ، ءوزىڭنىڭ بىلگەنىڭدى سونىڭ بويىنا قۇيا الماساڭ، وندا سەن كىمسىڭ؟ كەز كەلگەن ايەل ەنە بولا الادى، انا بولا ءبىلۋ كەرەك. ەندى كەلىندى سول ۇيگە تۇراقتاندىرىپ، ءوزىڭنىڭ ۇلگى-ونەگەڭدى كورسەتىپ، ءوزىڭنىڭ ءىزباسارىڭ، وكشەباسارىڭ ەتىپ، سول ءۇيدىڭ وتىن جاعىپ، قازانىن قىراتۇعىن انا رەتىندە ۇستاپ قالۋ ساعان (ەنەگە - ەسك.) بايلانىستى»، - دەدى ول.
ەسكە سالايىق، بۇعان دەيىن ەنە مەن كەلىن اراسىنداعى ارازدىقتىڭ باستى سەبەبى ايتىلعان ەدى.