قازاقستانعا جازعى ماۋسىمدا 448 مىڭ شەتەلدىك تۋريست كەلدى

eQonaq اقپاراتتىق جۇيەسىنىڭ دەرەگى بويىنشا جازدىڭ ءۇش ايىندا ەلىمىزگە 448 مىڭ شەتەلدىك تۋريست كەلدى. ولاردىڭ % 64,6- ى ەر ازاماتتار. ال شەتەلدىك قوناقتاردىڭ باسىم بولىگى 30-44 جاس ارالىعىنداعىلار، دەپ حابارلايدى قازاقپارات.

شەتەلدىكتەر ەڭ كوپ توقتاعان وڭىرلەردىڭ كوشىن الماتى قالاسى باستاپ تۇر. وڭتۇستىك استانامىزعا 139 مىڭنان استام تۋريست كەلگەن. ال، ەكىنشى ورىندا استانا قالاسى. ەلورداعا جازعى ماۋسىمدا 68 مىڭ شەتەلدىك قوناق توقتاعان. ۇزدىك ۇشتىكتى الماتى وبلىسى تۇيىندەيدى. مۇندا 34 مىڭعا جۋىق شەتەلدىك ساياحاتتاپ كەلگەن.

ەلىمىزدىڭ باتىسى دا شەتەلدىكتەر ءجيى باراتىن ءوڭىر سانالادى. ماسەلەن، جازدىڭ ءۇش ايىندا ماڭعىستاۋ وبلىسىنا 28 مىڭنان استام شەتەل ازاماتى كەلسە، اتىراۋ وبلىسىنا 25 مىڭنان ارتىق شەتەلدىك تۋريست توقتاعان.

«سونداي- اق اقمولا وبلىسىنا 21 مىڭعا جۋىق، جامبىل، اقتوبە، قاراعاندى مەن سولتۇستىك قازاقستان وبلىستارىنا 14 مىڭنان استام شەتەلدىك تۋريست كەلگەن. جالپى العاندا، جىل باسىنان قازاقستانعا كەلگەن شەتەلدىك تۋريستەر سانى 1,8 ەسە ارتىپ وتىر. 2023 -جىلدىڭ سوڭىنا دەيىن ەلىمىزگە 1,4 ميلليون شەتەلدىك تۋريست كەلەدى دەپ بولجانۋدا»، - دەدى ق ر تۋريزم جانە سپورت مينيسترلىگىنىڭ رەسمي وكىلى ءمولدىر ابدۋاليەۆا.