ۇ ب: ينفلياتسيانى تومەندەتۋگە مۇمكىندىك بولماسا اقشا-كرەديت ساياساتى قاتاڭداتىلۋى مۇمكىن

استانا. KAZINFORM - ۇلتتىق بانك اقشا-كرەديت ساياساتى باعىتىن وزگەرىسسىز قالدىرادى. بۇل تۋرالى ۇلتتىق بانك ءتوراعاسى تيمۋر سۇلەيمەنوۆ ايتتى.

- ۇلتتىق بانك اقشا-كرەديت ساياساتى باعىتىن وزگەرىسسىز قالدىرادى. بۇل ءبىزدىڭ ينفلياتسيالىق قىسىمدى باسەڭدەتۋگە، باعانىڭ تۇراقتى تۇردە باياۋلاۋىنا جانە جاڭا ينۆەستيتسيالىق تسيكل قالىپتاستىرۋعا قوسقان ۇلەسىمىز دەپ قابىلداۋعا بولادى، - دەدى تيمۋر سۇلەيمەنوۆ.

ونىڭ ايتۋىنشا، ينفلياتسيامەن كۇرەس جولىندا ناقتى ناتيجەگە جەتۋ ءۇشىن بازالىق مولشەرلەمە قازىرگى دەڭگەيدە قالادى. ەگەر ينفلياتسيانى تومەندەتۋگە ورنىقتى مۇمكىندىك بولماسا، اقشا-كرەديت ساياساتىن قاتاڭداتۋ ءتاسىلى قولدانىلۋى مۇمكىن.

- ۇلتتىق بانك ينفلياتسيانى تۇراقتى تومەندەتۋ ءۇشىن اقشا-كرەديت جانە ماكروپرۋدەنتسيالىق ساياسات قۇرالدارىنىڭ بارلىعىن پايدالانادى. 2026-جىلعى باسىم باعىت - ينفلياتسيانى بولجامدى دياپازون شەگىندە ۇستاپ، ونى تۇراقتى دەڭگەيگە جەتكىزۋ. ورتامەرزىمدى پەرسپەكتيۆاداعى ماقساتىمىز وزگەرىسسىز، ول ينفلياتسيانى نىسانالى دەڭگەي - 5 پايىزعا قايتارۋ. اقشا-كرەديت شارتتارىن سوعان سايكەس بەيىمدەيمىز، - دەدى ۇ ب ءتوراعاسى.

ايتا كەتەيىك، بۇگىن ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى +/- 1 پ. ت. دالىزىمەن جىلدىق  دەڭگەيىندە بەلگىلەۋ تۋرالى شەشىم قابىلدادى.