ۇ ب ت ناتيجەسى بويىنشا ەڭ جوعارى كونكۋرس قاي ماماندىقتاردا بولدى

استانا. KAZINFORM - الداعى جاڭا وقۋ جىلىنا باكالاۆر بويىنشا 78 مىڭنان استام گرانت ءبولىندى. بۇل تۋرالى ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.

«2024-2025 وقۋ جىلىنا باكالاۆر بويىنشا - 78219 گرانت، ماگيستراتۋراعا - 13113، دوكتورانتۋراعا 2919 گرانت ءبولىندى. ۇمىتكەرلەردىڭ �,43 شەكتى بالدى ەڭسەردى، 18,57 پايىزى - ەڭسەرمەدى»، - دەدى ساياسات نۇربەك.

ءبىلىم بەرۋ گرانتىن بەرۋ جونىندەگى كونكۋرسقا قاتىسۋ ءۇشىن وتىنىشتەردى قابىلداۋ 2024 -جىلعى 13-24-شىلدە ارالىعىندا جۇزەگە اسىرىلدى. بىلتىرمەن سالىستىرعاندا بيىلعى گرانتتىق كونكۋرسقا 11000 تالاپكەر ارتىق قاتىستى. گرانتتاردى بەكىتۋ جونىندەگى شەشىم رەسپۋبليكالىق كونكۋرستىق كوميسسياسىندا قابىلدانىپ، 3 -تامىزدا ناتيجەلەرى جاريالاندى.

«مەملەكەتتىك ءبىلىم بەرۋ تاپسىرىسىنىڭ سوڭعى 3 جىلدا العاش رەت 99 پايىزى يگەرىلدى»، - دەدى مينيستر.

اتاپ ايتقاندا، كونكۋرس ناتيجەسى بويىنشا الەۋمەتتىك وسال توپتاردان 412 جەتىم بالا، مۇگەدەكتىگى بار 382 ادام، كوپبالالى وتباسىنان شىققان 3576 بالا، تولىق ەمەس وتباسىدان شىققان 933 بالا، مۇگەدەك بالالاردى تاربيەلەپ وتىرعان وتباسىدان 437 بالاعا گرانت بەرىلدى.

سونىمەن قاتار، بيىل العاش رەت قانداستاردى قابىلداۋ پروتسەدۋراسىن وزگەرتۋ ناتيجەسىندە 1 604 قانداسقا گرانت بەرىلدى (2023 -جىلى - 804 قانداس).

باتىس جانە حالقى تىعىز قونىستانعان وڭىرلەردەن شىققان جاستارعا ارنالعان 5000 ماقساتتىق گرانت 0 يگەرىلدى.

«اۋىل شارۋاشىلىعى جانە ۆەتەريناريا باعىتتارىندا گرانتتاردىڭ 0 يگەرىلدى. سونداي-اق، بيىل العاشقى رەت 300 ديففەرەنسيالدى گرانت تاعايىندالدى. بۇل گرانتتى الۋ ءۇشىن ءوتىنىمدى 31000-نان استام ۇمىتكەر تاپسىردى»، - دەدى ۆەدومستۆو باسشىسى.

ونىڭ ايتۋىنشا، مەملەكەتتىك تاپسىرىستىڭ 60 پايىزدان استامى سۇرانىسقا سايكەس ەكونوميكانىڭ باسىم باعىتتارىنا كادرلاردى دايارلاۋعا ءبولىندى (ينجەنەرلىك جانە قۇرىلىس، پەداگوگيكالىق، دەنساۋلىق ساقتاۋ، اقپاراتتىق كوممۋنيكاتسيالىق تەحنولوگيالار، اۋىل شارۋشىلىق، ۆەتەريناريا سالالارى).

«جالپى العاندا، ۇ ب ت ناتيجەسى بويىنشا ەڭ جوعارى كونكۋرس «ستوماتولوگيا» (1 ورىنعا 35 ادام)، «حالىقارالىق قاتىناستار» (1 ورىنعا 12 ادام)، «اۋدارما ءىسى» (1 ورىنعا 10 ادام)، «پسيحولوگيا» (1 ورىنعا 9 ادام)، «قۇقىق» (1 / 8 ادام) ماماندىقتارىنا، سىزۋ ءپانىنىڭ مۇعالىمى (1 ورىنعا 8 ادام)، شەت ءتىلى مۇعالىمدەرىن دايارلاۋ (1 ورىنعا 8 ادام) ءبىلىم بەرۋ باعدارلامالارى بويىنشا بولدى. الايدا ەڭ تومەن كونكۋرس «مەحانيكا»، «مال شارۋاشىلىعى» ءبىلىم بەرۋ باعدارلامالارىنا تيەسىلى. سوندىقتان وسىنى ەسكەرىپ، ءبىز تاعى دا اقپاراتتىق جۇمىستاردى كۇشەيتۋىمىز كەرەك»، - دەدى ساياسات نۇربەك.

اۆتور

رۋسلان عابباسوۆ