ۇ ب ت كەزىندە 142 ەرەجە بۇزۋشىلىق انىقتالدى - مينيسترلىك
استانا. KAZINFORM - بيىلعى نەگىزگى ۇلتتىق ءبىرىڭعاي تەستىلەۋ باستالعاننان بەرى 116 مىڭعا جۋىق سىناق وتكىزىلدى. بۇل تۋرالى عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى حابارلادى.
اتاپ ايتقاندا، 2025 -جىلعى 16- مامىردا باستالعان نەگىزگى ۇ ب ت اياسىندا تالاپكەرلەردىڭ 72 پايىزى تەستىلەۋدى قازاق تىلىندە، 28 پايىزى ورىس تىلىندە تاپسىرسا، 114 ۇمىتكەر سىناقتى اعىلشىن تىلىندە تاپسىرعان.
ەكىنشى اپتانىڭ قورىتىندىسى بويىنشا تەست تاپسىرۋشىلاردىڭ 66,8 پايىزى شەكتى بال جيناعان. بەس ءپان بويىنشا ورتاشا كورسەتكىش 64 بال بولدى. ەڭ جوعارى ناتيجە - 140 بال تۇركىستان وبلىسىنىڭ تالاپكەرى ءابىلحان جانىبەكتىڭ ەنشىسىندە.
ول بۇل كورسەتكىشكە تەستىلەۋدىڭ العاشقى اپتاسىندا قول جەتكىزگەن.
مينيسترلىك مالىمەتىنشە، تالاپكەرلەر اراسىندا ەڭ كوپ تاڭدالعان پاندەر كومبيناتسياسى - «ماتەماتيكا- فيزيكا» ()، «شىعارماشىلىق ەمتيحان» () جانە «بيولوگيا- حيميا» () .
ەرەكشە ءبىلىم بەرۋ قاجەتتىلىكتەرى بار تالاپكەرلەر ءۇشىن جاسالعان قولايلى جاعدايلاردىڭ ارقاسىندا 384 ۇمىتكەر ۇ ب ت- عا قاتىسقان.
ۇ ب ت- نى وتكىزۋدىڭ العاشقى اپتاسىندا 142 ەرەجە بۇزۋشىلىق فاكتىسى تىركەلگەن. 68 تالاپكەر تىيىم سالىنعان زاتتاردى - سمارتفوندار مەن شپارگالكالاردى - اۋديتورياعا الىپ كىرمەك بولعانى ءۇشىن تەستتەن شەتتەتىلدى. تاعى 74 ادام تەستىلەۋ بارىسىندا ەرەجە بۇزعانى ءۇشىن اۋديتوريادان شىعارىلىپ، ولاردىڭ ناتيجەلەرى جويىلعان. وزگە تۇلعانىڭ ورنىنا كىرۋ دەرەكتەرى تىركەلمەگەن.
2025 -جىلعى ۇ ب ت اياقتالعاننان كەيىن كۇنتىزبەلىك جىلدىڭ 31 -قازانىنا دەيىن بارلىق بەينەجازباعا تالداۋ جۇرگىزىلەدى. ەگەر تەستىلەۋ كەزىندە ەرەجە بۇزۋ نەمەسە تىيىم سالىنعان زاتتاردى پايدالانۋ فاكتىلەرى انىقتالسا، تالاپكەردىڭ ناتيجەلەرى جويىلادى.
ايتا كەتەيىك، تەست تاپسىرعاننان كەيىن 30 مينۋت ىشىندە تالاپكەرلەر تەست مازمۇنى بويىنشا اپەللياتسياعا ءوتىنىش بەرە الادى. ال تەحنيكالىق سەبەپتەر بويىنشا وتىنىشتەر تەستىلەۋ كەزىندە قابىلدانادى. اپەللياتسيا قارالعان سوڭ، ناتيجەلەرى بار سەرتيفيكاتتار تالاپكەرلەردىڭ جەكە كابينەتتەرىنە جۇكتەلەدى.
بۇعان دەيىن ەل اۋماعىندا نەگىزگى ۇلتتىق ءبىرىڭعاي تەستىلەۋ 16-مامىردا باستالعانى جايلى جازعانبىز.
اۆتور
تاستان تويانوۆ