ۇ ب ت- عا ءوتىنىش قابىلداۋ اياقتالدى

استانا. قازاقپارات - 2025 -جىلعى نەگىزگى ۇ ب ت- عا وتىنىشتەر قابىلداۋ اياقتالدى. تەستىلەۋ 16-مامىردا باستالىپ، 7-شىلدەگە دەيىن جالعاسادى. تالاپكەرلەر نەگىزگى ۇ ب ت- نى ەكى رەت تاپسىرىپ، ەڭ ۇزدىك ناتيجەسىمەن گرانت كونكۋرسىنا قاتىسا الادى.

- 216 مىڭعا جۋىق تالاپكەر تەستىلەۋگە قاتىسۋعا ەكى مۇمكىندىكتى ەسەپكە العاندا 399 مىڭعا جۋىق ءوتىنىش بەرگەن (2024 -جىلى - 186 مىڭعا جۋىق تالاپكەر تەستىلەۋگە قاتىسۋعا ەكى مۇمكىندىكتى ەسەپكە العاندا 342 مىڭ ءوتىنىش)، - دەلىنگەن.

ۇ ب ت- عا ءوتىنىش بەرۋشىلەردىڭ باسىم بولىگى، اتاپ ايتقاندا، ,5- ى «ماتەماتيكا- فيزيكا»، ,6- ى «بيولوگيا-حيميا» پاندەر كومبيناتسياسىن تاڭدادى. %9,7- ى «ماتەماتيكا- ينفورماتيكا» كومبيناتسياسىن تاڭداعان. ەڭ از تاڭدالعان كومبيناتسيا - «حيميا-فيزيكا»، ونى 285 ادام تاپسىرۋدى جوسپارلاپ وتىر.

ەستەرىڭىزگە سالا كەتسەك، ۇ ب ت- عا قاتىسۋ ءۇشىن تالاپكەرلەر ۇلتتىق تەستىلەۋ ورتالىعىنىڭ http://app.testcenter.kz سايتى نەمەسە UTO.kz قوسىمشاسى ارقىلى ءوتىنىش بەرگەن. تالاپكەرلەر تەستىلەۋ كۇنىن، ۋاقىتىن جانە پۋنكتىن وزدەرى تاڭدادى. بۇل رەتتە ولار ەكى مۇمكىندىك ءۇشىن بەيىندىك پاندەردىڭ ءبىر عانا كومبيناتسياسىن بەلگىلەدى.

- تالاپكەرلەردىڭ نەگىزگى ۇ ب ت- عا دايىندىعىن جاقسارتۋ ماقساتىندا ەنگىزىلگەن ءار ءپان بويىنشا جەكە تاقىرىپتىق تالداۋ بار. ياعني، ءار ۇ ب ت-دان كەيىن (قاڭتار، ناۋرىز) تۇلەكتەرگە جەكە تاقىرىپتىق تالداۋ بويىنشا بىلىمدەرىن ارتتىرۋ ۇسىنىلعان بولاتىن. سونىمەن قاتار ءبىرىنشى مۇمكىندىكتى تاپسىرعاننان كەيىن ولار ەكىنشى مۇمكىندىككە دەيىن دايىندىقتارىن جاقسارتا الادى. ودان بولەك، ونلاين بايقاۋ سىناقتارى ىسكە قوسىلعان. وقۋ جىلىنىڭ باسىندا ۇ ت و سايتىندا وقۋلىقتار ءتىزىمى مەن تەست جوسپارى؛ «قازاقستان تاريحى» جانە «دۇنيەءجۇزى تاريحى» پاندەرى بويىنشا 100 تاريحي داتا ءتىزىمى؛ «ينفورماتيكا» پانىنەن تەرميندەر ءتىزىمى؛ «قازاق ادەبيەتى» جانە «ورىس ادەبيەتى» بويىنشا ادەبي شىعارمالار ءتىزىمى جاريالاندى، - دەلىنگەن حابارلامادا.

ۇ ب ت- داعى پاندەردىڭ سانى وزگەرىسسىز قالادى، ياعني ۇشەۋى مىندەتتى جانە ەكەۋى تاڭداۋ بويىنشا. ۇ ب ت تاپسىرمالار سانى - 120. ونىڭ ىشىندە «قازاقستان تاريحىنان» 20 تاپسىرما، «وقۋ ساۋاتتىلىعىنان» 10 تاپسىرما، «ماتەماتيكالىق ساۋاتتىلىقتان» 10 تاپسىرما جانە ەكى بەيىندىك ءپان بويىنشا 40 تاپسىرمادان. جوعارى بال - 140.

تەستىلەۋ ۋاقىتى - 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.

اكادەميالىق ادالدىقتى قامتاماسىز ەتۋ ماقساتىندا ۇ ب ت- عا قاتىسۋشى ءاربىر ادام جەكە جاسالعان تەست نۇسقاسىن الادى. ەمتيحان كەزىندە تەستىلەۋ باعدارلاماسىندا كالكۋلياتور، حيميالىق ەلەمەنتتەردىڭ پەريودتىق جۇيەسى جانە تۇزداردىڭ ەرىگىشتىك كەستەسى قولجەتىمدى بولادى. سونىمەن قاتار تالاپكەرلەرگە ىڭعايلى بولۋ ءۇشىن كەستەلەردىڭ قاعاز نۇسقالارى دا بەرىلەدى.

مازمۇنى بويىنشا اپەللياتسياعا ءوتىنىشتى تەستىلەۋ اياقتالعاننان كەيىن 30 مينۋت ىشىندە بەرۋگە، ال تەحنيكالىق اپەللياتسيا بويىنشا ءوتىنىشتى تەستىلەۋ بارىسىندا بەرۋگە بولادى. سەرتيفيكات اپەللياتسيا قارالعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.

تالاپكەردىڭ جەكە كابينەتىندە رەسپۋبليكالىق اپەللياتسيالىق كوميسسيا وتىرىسىنىڭ مەرزىمى كورسەتىلەدى. رەسپۋبليكالىق اپەللياتسيالىق كوميسسيا وتىرىسى باستالعانعا دەيىن اپەللياتسيا ءوتىنىشىن جەكە كابينەتىندە قايتارىپ الۋ مۇمكىندىگى بار. اپەللياتسيا ءوتىنىشىن قايتارىپ العاننان كەيىن سەرتيفيكات تالاپكەردىڭ جەكە كابينەتىندە ءبىر جۇمىس كۇنى ىشىندە قولجەتىمدى بولادى.

شەكتى بال وزگەرىسسىز قالدى: «قۇقىق» جانە «پەداگوگيكالىق عىلىمدار» باعىتتارىنا ءتۇسۋ ءۇشىن كەمىندە 75 بال، «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» ءۇشىن كەمىندە 70 بال جيناۋ قاجەت؛ ۇلتتىق ج و و- عا ءتۇسۋ ءۇشىن كەمىندە 65 بال، باسقا ج و و- عا ءتۇسۋ ءۇشىن كەمىندە 50 بال جيناۋ قاجەت.

- قاۋىپسىزدىكتى قامتاماسىز ەتۋ جانە بۇزۋشىلىقتاردىڭ الدىن الۋ ماقساتىندا تەستىلەۋگە كىرە بەرىستە تىيىم سالىنعان زاتتاردى، مىسالى، ۇيالى تەلەفونداردى، شپارگالكالاردى جانە ت. ب. الىپ كىرۋگە جول بەرمەۋ ءۇشىن قول جانە رامالىق مەتالل ىزدەگىشتەر قولدانىلادى. تەستىلەۋ اۋديتوريالارىندا رۇقسات ەتىلگەن ماگنيتتىك تولقىندار شەگىندە موبيلدى جانە راديوەلەكتروندى بايلانىس سيگنالدارىن باساتىن قۇرىلعىلار پايدالانىلادى، سونداي-اق بەينەباقىلاۋ جۇرگىزىلەدى. 2025 -جىلعى ۇ ب ت اياقتالعاننان كەيىن كۇنتىزبەلىك جىلدىڭ 31 -قازانىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە باسقا دا ەرەجەلەردى بۇزۋ فاكتىلەرى انىقتالعان جاعدايدا تالاپكەردىڭ ۇبت ناتيجەلەرى جويىلادى، - دەلىنگەن عىلىم جانە جوعارى ءبىلىم مينيسترلىگى حابارلاماسىندا.

اۆتور

نازىم بولەسوۆا