ۇ ب ت - 2026. نەنى ءبىلۋ ماڭىزدى

استانا. KAZINFORM - بۇگىن ۇلتتىق تەستىلەۋ ورتالىعى كەلەسى جىلى ۇلتتىق ءبىرىڭعاي تەستىلەۋدى تاپسىراتىن تالاپكەرلەرگە ماڭىزدى اقپاراتتى جاريالادى.

ۇ ب ت- نى جىلىنا 5 رەت تاپسىرۋعا بولادى:

قاڭتار، ناۋرىز، تامىز ايلارىندا - اقىلى وقۋعا ءتۇسۋ ءۇشىن (3 رەت)؛

نەگىزگى (مامىردان باستاپ شىلدەگە دەيىن) - گرانت كونكۋرسىنا قاتىسۋ ءۇشىن نەمەسە اقىلى وقۋعا ءتۇسۋ ءۇشىن 2 مۇمكىندىك.

كىمدەر قاتىسا الادى؟

مەكتەپ تۇلەكتەرى - قاڭتار، ناۋرىز، تامىز جانە نەگىزگى؛

شارتتى تۇردە وقىپ جاتقاندار - قاڭتار، ناۋرىز، تامىز جانە نەگىزگى؛

كوللەدج تۇلەكتەرى - قاڭتار، ناۋرىز، تامىز جانە نەگىزگى؛

وتكەن جىلعى مەكتەپ تۇلەكتەرى - قاڭتار، ناۋرىز، تامىز جانە نەگىزگى؛

شەتەلدە ءبىلىم العان قازاقستان ازاماتتارى - قاڭتار، ناۋرىز، تامىز جانە نەگىزگى؛

ۇلتى قازاق شەتەل ازاماتتارى (قانداستار) - قاڭتار، ناۋرىز، تامىز جانە نەگىزگى؛

اقىلى نەگىزدە باسقا ماماندىققا اۋىسۋعا نيەتتى شىعارماشىلىق ماماندىقتاردىڭ ستۋدەنتتەرى - قاڭتار، تامىز؛

اقىلى نەگىزدە «پەداگوگيكالىق عىلىمدار» ءبىلىم بەرۋ سالاسىنا اۋىسۋعا نيەتتى ستۋدەنتتەر - قاڭتار، تامىز ۇ ب ت- سىن تاپسىرا الادى.

ايتا كەتەلىك شەتەلدىك فيليالدار، ۇ ب ت رەفورماسى - قازاقستان جاھاندىق ءبىلىم نارىعىن قالاي باعىندىرماقتىعى تۋرالى جازعان ەدىك.