ۇ ب ت - 2025: ەمتيحانعا دايىندىق كۋرسىنىڭ باعاسى قانشا
ۇ ب ت- عا دايىندىق كۋرسىنىڭ باعاسى وڭىرلەردە ءارتۇرلى. وعان پەداگوگتىڭ دەڭگەيى، دايىندىقتىڭ قالاي وتەتىنى جانە ۋاقىتى اسەر ەتەدى. 2025 -جىلعى دايىندىق كۋرسىنىڭ باعاسى تۋرالى Kazinform اگەنتتىگىنىڭ ءتىلشىسى انىقتادى.
ورال مەن وسكەمەندە تەستكە دايىندىق قۇنى ەلىمىز بويىنشا ەڭ تومەن بولىپ تۇر. مۇندا ۇ ب ت- عا قاجەتتى پاندەردى تەرەڭ مەڭگەرۋ ءۇشىن 25-50 مىڭ تەڭگە تولەيدى. وعان 5 ءپان كىرەدى. ونىڭ ۇشەۋى مىندەتتى پاندەر بولسا، قالعان ەكەۋى ماماندىققا بايلانىستى تاڭدالعانى. وقۋ ورتالىقتارىنىڭ كەيبىرىندە باعا ودان جوعارى. سونىمەن بىرگە ورال قالاسىندا ءبىر ساعاتتىق دايىندىق كۋرسىنىڭ قۇنى 4000-7000 تەڭگە بولسا، وسكەمەندە قىزمەتتىڭ بۇل ءتۇرى - 2000-3000 تەڭگە.
سەمەي مەن قوستانايدا باعا ءسال جوعارى. مۇندا توپ بولىپ دايىندالۋ قۇنى - 25-50 مىڭ تەڭگە. قوسىمشا دايىندالۋ ءۇشىن اكادەميالىق ساعاتقا 1800-2500 تەڭگە سۇرايدى. رەپەتيتورلار ۇيگە كەلىپ وقىتسا 1500-10000 تەڭگە تولەيسىز. كوبىنە باعا - 2500-4000 تەڭگە ارالىعىندا. كەي ورتالىقتاردا باعا جوعارى. رۋدنىي قالاسىندا ۇ ب ت- عا دايىندىق كۋرسىنىڭ قۇنى - 80-100 مىڭ تەڭگە.
اقتوبە، تۇركىستان، قونايەۆ پەن اتىراۋدا باعا وزگە وڭىرلەرگە قاراعاندا ورتاشا. وفلاين ساباق وقۋ، تەستكە دايىندالۋ ءۇشىن شامامەن 30-60 مىڭ تەڭگە كەرەك. ال جەكە كۋرس الساڭىز 2000-6000 تەڭگە تولەيسىز.
تاراز، قاراعاندى مەن جەزقازعاندا دايىندىق كۋرسىنىڭ باعاسى ءسال جوعارى. ونلاين مەكتەپتەر اي سايىن 40-70 مىڭ تەڭگە سۇرايدى. ال وفلاين دايىندىق كۋرسىنىڭ باعاسى 65-100 مىڭ تەڭگە ارالىعىندا. ءۇش پانگە دايىندالۋ ءۇشىن اپتاسىنا ءۇش كۇن كۋرسقا قاتىسادى. تاراز قالاسىندا وزگە دە ۇسىنىستاردى قاراۋعا بولادى. جەكە رەپەتيتور ساعاتىنا 3000-10000 تەڭگە الادى.
قىزىلوردا، پاۆلودار مەن شىمكەنتتە ۇ ب ت- عا دايىندىق كۋرسىنىڭ قۇنى ايىنا 50 مىڭ تەڭگەدەن باستالادى. وقۋ ورتالىقتارىنىڭ كوبىندە باعا - 80000 تەڭگە. ەگەر تەك ءبىر پاننەن عانا دايىندالۋدى ۇيعارساڭىز ايىنا 15-20 مىڭ تەڭگە كەرەك. بۇل وڭىرلەردە رەپەتيتورلار ورتا ەسەپپەن 2000-4000 تەڭگە سۇرايدى. وڭتۇستىككە قاراعاندا پاۆلوداردا قىزمەتتىڭ بۇل ءتۇرى ەكى ەسە ارزان.
اقتاۋ، تالدىقورعان، پەتروپاۆلدا ۇ ب ت- عا دايىندىق كۋرسىنىڭ ەڭ تومەنى 60 مىڭ تەڭگە بولىپ تۇر. اقتاۋ قالاسىندا تەستكە ۇيدە وتىرىپ دايىندالعان كەزدە رەپەتيتور ساعاتىنا 2000 - 3500 تەڭگە الادى. پەتروپاۆلدا - 4000-6000، تالدىقورعاندا - 4000-5000 تەڭگە. تاڭداۋ پانىنە قاراعاندا مىندەتتى ءپان مۇعالىمدەرىنىڭ دايىندىق كۋرسىنا -20 قىمبات بولىپ كەلەدى.
الماتى، استانا مەن كوكشەتاۋدا ۇ ب ت- عا دايىندالۋ كۋرسىنىڭ باعاسى جوعارى. الماتى قالاسىندا كۋرستىڭ ەڭ ارزانى ايىنا - 60-90 مىڭ تەڭگە ارالىعاندا. جەكە دارا وقىتۋ كۋرسىنىڭ قۇنى ساعاتىنا 4000 تەڭگەدەن باستالادى. قازىر بوس پەداگوگتى تابۋ قيىن. كوبىنىڭ كەستەسى تىعىز، ولاردىڭ ءبارى ءبىر جىلدىق دايىندىق جوسپارىن بەكىتىپ قويعان.
استانادا بەس پانگە ارنالعان وفلاين كۋرستى 100 مىڭ تەڭگەگە ۇسىنادى. ال ءتورت پاننەن تۇراتىن ونلاين دايىندىق قۇنى - 75 مىڭ تەڭگە. استانالىق رەپەتيتورلار ساعاتىنا 3000 - 5000 تەڭگە الادى.
ەلىمىز بويىنشا ۇ ب ت-عا دايىندىق كۋرسى كوكشەتاۋ قالاسىندا جوعارى. بەس پانگە اي سايىن 80-120 مىڭ تەڭگە كەرەك. ال ەگەر اپتاسىنا بەس كۇن قاتار دايىندىق وتكىزسە، كۋرس قۇنى 140 مىڭ تەڭگەدەن جوعارى بولادى. ەسەسىنە ارالىق تەستكە دايىندايدى، قاتەمەن جۇمىس ىستەيدى، شەشۋى قيىن سۇراقتارعا باسىمدىق بەرەدى. ورتالىق ىشىندە ءبىر پانگە دايىنداۋ قۇنى - 35 مىڭ تەڭگەدەن جوعارى. ال جەكە رەپەتيتورلار ساعاتىنا 4000- 6000 تەڭگە سۇرايدى.
بۇعان دەيىن قازاقستانداعى ج و و-لاردىڭ وقۋ اقىسى تۋرالى جازىلدى.