كومپوزيتور ارمان قاينازاروۆتىڭ ولىمىنە قاتىسى بار كۇدىكتى ۇستالدى

ءانشى، كومپوزيتور ارمان قاينازاروۆتىڭ ولىمىنە قاتىسى بار كۇدىكتى ۇستالدى. بۇل تۋرالى پوليتسيا ماسساگەتكە بەرگەن جاۋابىندا مالىمدەدى.

الماتى قالالىق پوليتسيا دەپارتامەنتى مالىمەتىنشە، بۇل دەرەك الاتاۋ اۋداندىق پوليتسيا باسقارماسىندا تىركەلگەن.

«ق ر قىلمىستىق كودەكسىنىڭ 106-بابى 3-بولىگى بويىنشا تەرگەۋ جۇرگىزىلىپ جاتىر. وسى قىلمىستى جاسادى دەگەن كۇدىكتى «ءىزىن سۋىتپاي» ۇستالدى. ول قاماۋعا الىندى. وقيعانىڭ باسقا دا ءمان-جايلارى انىقتالىپ جاتىر»، - دەلىنگەن پوليتسيانىڭ جاۋابىندا.

ەسكە سالايىق، بۇعان دەيىن كومپوزيتور ارمان قاينازاروۆ قايتىس بولعانى حابارلانعان ەدى. بۇل اقپاراتتى جۋرناليست تيمۋر نۇعمان راستادى.

«ول 4-قىركۇيەكتە شاڭىراق شاعىناۋدانىنداعى كافە ماڭىندا جىگىتتەرمەن توبەلەسىپ قالعان. سول كۇنى جانساقتاۋ بولىمىنە ءتۇستى. كەيىن كوماعا تۇسكەن. 19-قىركۇيەكتە ول قايتىس بولدى»، - دەگەن ەدى جۋرناليست.