ەلوردادا دۇكەن توناۋ ارەكەتى بەينەباقىلاۋعا ءتۇسىپ قالدى
07:55, 22 - قىركۇيەك 2023
ەلوردادا پوليتسياعا سۋپەرماركەت وكىلى بەلگىسىز ەر ادام قىمبات الكوگولدىك سۋسىندى اشىق تۇردە ۇرلاپ كەتپەك بولعانىن ايتىپ ارىزدانعان، دەپ حابارلايدى ق ر ءى ى م باسپا ءسوز قىزمەتى.
قاراقشىلىق شابۋىل جاساعان 47 جاستاعى قالا تۇرعىنى انىقتالدى.
ەر ادام كۇندىز پەتروۆ كوشەسىندەگى سۋپەرماركەتتە ساتىپ الۋشى بوپ كورىنىپ، تاۋار قاراعان سىڭاي تانىتقان. ول ساتۋشىنىڭ زالدا جوقتىعىن پايدالانىپ، قۇنى 16 مىڭ تەڭگەدەن اساتىن ءبىر بوتەلكە Dewars ۆيسكيىن سومكەگە سالىپ، سىرتقا شىعۋعا بەت العاندا ونىڭ ارەكەتىن بايقاعان كاسسير ارتىنان جۇگىرىپ بارىپ، توقتاتپاق بولعان. الايدا ەر ادام ۇرلانعان زاتتاردى لاقتىرىپ، قاشىپ كەتكەنى بەلگىلى بولعان.
تەرگەۋ امالدارى جۇرگىزىلىپ جاتىر.