استانادا قۇرىلىس كومپانياسى ۇلەسكەرلەردەن 4 ميلليارد تەڭگە الىپ، ءۇي سالىپ جارىتپاعان
13:21, 18 - قىركۇيەك 2023
ەلوردادا "R- Club" جانە "R- Club Deluxe" تۇرعىن ءۇي كەشەندەرى ۇلەسكەرلەرىنىڭ ۇجىمدىق ارىزى نەگىزىندە الاياقتىق فاكتىسى بويىنشا ءىس قوزعالدى، دەپ حابارلايدى قازاقپارات استانا پروكۋراتۋراسىنا سىلتەمە جاساپ.
ۇلەسكەرلەردىڭ 4 ميلليارد تەڭگەدەن استام اقشالاي قاراجاتى تارتىلعان، الايدا ءىس جۇزىندە قۇرىلىسقا 900 ميلليون تەڭگە جۇمسالعان.
قۇرىلىس سالۋشى 2022 -جىلدىڭ ءتورتىنشى توقسانىندا اياقتالادى دەپ جوسپارلاعان قۇرىلىس بىتپەگەن.
قۇرىلىس كومپانيالارىنىڭ باسشىلارى ۇستالىپ، قاماۋعا الىندى.
جەدەل تەرگەۋ توبى قۇرىلدى.
قازىرگى ۋاقىتتا قىلمىستىڭ قالعان قاتىسۋشىلارى مەن ولاردىڭ اكتيۆتەرى انىقتالىپ جاتىر.