اياز، قار: قازاقستاندا الداعى كۇندەرى اۋا رايى قانداي بولادى؟

قازگيدرومەت 19-21- قىركۇيەككە ارنالعان اۋا رايى بولجامىن ۇسىندى.

سينوپتيكتەردىڭ مالىمەتىنشە، الداعى كۇندەرى رەسپۋبليكانىڭ باسىم بولىگىندە اۋا رايىنىڭ تۇراقسىز سيپاتى ساقتالادى. نايزاعاي سوعىپ، ەكپىندى جەل، بۇرشاق ارالاس جاڭبىر جاۋادى، ەلدىڭ وڭتۇستىك-شىعىسىنداعى تاۋلى اۋدانداردا قار ارالاس جاۋىن-شاشىن بولادى دەپ بولجانادى. 20-21- قىركۇيەكتە باتىس انتيتسيكلون سىلەمىنىڭ ارقاسىندا قازاقستاننىڭ باتىسى مەن سولتۇستىك-باتىسى جاۋىن-شاشىنسىز، اۋا رايى اشىق بولادى. ەلدىڭ باتىسىندا، سولتۇستىگىندە جانە ورتالىعىندا تۇندە جانە تاڭەرتەڭ تۇمان بولۋى مۇمكىن.

«رەسپۋبليكانىڭ باتىس وبلىستارىندا اۋا تەمپەراتۋراسى تۇندە 5-18، كۇندىز 18-28 دەن 20-31 گە دەيىن كوتەرىلىپ، ەلدىڭ سولتۇستىك-باتىسىندا، سولتۇستىگىندە تۇندە 3-11 گە دەيىن تومەندەپ، توپىراق بەتىندە 1 گرادۋس اياز، كۇندىز 13-25 كە دەيىن جىلىپ، ورتالىقتا تۇندە 2-10 عا دەيىن تومەندەپ، كۇندىز نەگىزگى فون 13-21 گە دەيىن جىلى، شىعىستا تۇندە نەگىزگى فون 3-11 گە دەيىن، كۇندىز 10-18 گە دەيىن، وڭتۇستىكتە، وڭتۇستىك-شىعىستا تۇندە 8-13 كە دەيىن، تاۋلى اۋدانداردا 2-3 كە دەيىن اياز، كۇندىز 15-25-كە دەيىن، تاۋلى اۋدانداردا 5-10 عا دەيىن تومەندەيدى»، - دەلىنگەن حابارلامادا.