حيدجاب كيمەگەن ايەلدەردى 10 جىلعا سوتتايتىن زاڭ قابىلداندى
يران پارلامەنتى يسلام كيىم ۇلگىسىن بۇزعانى ءۇشىن ايەلدەردى 10 جىلعا باس بوستاندىعىنان ايىرۋ تۋرالى زاڭ جوباسىن قابىلدادى.
كوپتەگەن يراندىقتار ءبىر جىل بۇرىنعى ەلدەگى بيلىك پەن پوليتسيانىڭ وزبىرلىعىنا قارسى نارازىلىقتان كەيىن باسىن جاۋىپ جۇرۋدەن باس تارتقان ەدى، دەپ حابارلايدى قازاقپارات BBC جاڭالىقتارىنا سىلتەمە جاساپ.
اتالمىش زاڭ جوباسىن 152 پارلامەنت دەپۋتاتى ماقۇلداپ، 34 دەپۋتات قارسىلىق ءبىلدىردى، 7 دەپۋتات قالىس قالدى.
ەندى ونى كونستيتۋتسيالىق قاداعالاۋ ورگانى - قامقورشىلىق كەڭەسى ماقۇلداۋى كەرەك، سودان كەيىن زاڭ تولىققاندى كۇشىنە ەنەدى.
جاڭا زاڭنىڭ ماقساتى - يراندىقتاردىڭ يسلامدىق كيىم ۇلگىسىن ساقتاۋىنا باقىلاۋدى كۇشەيتۋ.
ەندى بيلىكتىڭ كوزقاراسى بويىنشا سىرتقى كەلبەتى تالاپقا ساي كەلمەگەن ايەلدەر ايىپپۇل تولەۋى كەرەك، ولاردى پوليتسيا قاماۋعا دا قۇقىلى.
ب ۇ ۇ بۇل زاڭ جوباسى يران ايەلدەرى مەن قىزدارىن ودان سايىن زورلىق-زومبىلىق پەن قۋدالاۋعا ۇشىراتاتىنىن ەسكەرتەدى.