قازگيدرومەت قىركۇيەكتىڭ 19 ى كۇنگى اۋا رايى بولجامىن جاريالادى
07:55, 19 - قىركۇيەك 2023
«قازگيدرومەت» ر م ك-سى قىركۇيەكتىڭ 19 ى كۇنگى اۋا رايى بولجامىن جاريالادى، دەپ حابارلايدى قازاقپارات.
اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە كۇن قۇبىلمالى بولادى، نايزاعاي ويناپ جاڭبىر جاۋادى. رەسپۋبليكا بويىنشا سولتۇستىكتە، سولتۇستىك- باتىستا، وڭتۇستىكتە، وڭتۇستىك-شىعىستا، وڭتۇستىك- باتىستا - ەكپىندى جەل، باتىستا، سولتۇستىكتە، شىعىستا، ورتالىقتا تۇمان تۇسەدى.
قىزىلوردا وبلىسىنىڭ ورتالىعىندا، شىعىسىندا، وڭتۇستىگىندە، ۇلىتاۋ وبلىسىنىڭ وڭتۇستىگىندە، توتەنشە ءورت قاۋپى ساقتالادى، قاراعاندى وبلىسىنىڭ وڭتۇستىگىندە ءورت قاۋپى كۇتىلەدى.
جامبىل، تۇركىستان وبلىستارىندا جوعارى ءورت قاۋپى ساقتالادى.
شىعىس قازاقستان وبلىسىنىڭ سولتۇستىگىندە، شىعىسىندا توپىراق بەتىندە 1 گرادۋس ۇسىك كۇتىلەدى.