مەملەكەتتىك قىزمەتشىلەرگە نە ءۇشىن ايىپپۇل سالىنادى؟

سىبايلاس جەمقورلىققا قارسى قىزمەت 8 اي ىشىندە 112 ادامدى اكىمشىلىك جاۋاپكەرشىلىككە تارتتى، سالىنعان ايىپپۇلدىڭ جالپى سوماسى شامامەن 35 ميلليون تەڭگەنى قۇرايدى، دەپ حابارلايدى قازاقپارات.

 

انتيكوردىڭ مالىمەتىنشە، مەملەكەتتىك قىزمەتشىلەر كوبىنەسە جەمقورلىققا قارسى شەكتەۋلەردى بۇزعانى، سىبايلاس جەمقورلىققا قارسى ءىس-قيمىل جونىندە شارالار قولدانباعانى، بيزنەستىڭ زاڭدى قىزمەتىنە كەدەرگى كەلتىرگەنى، كاسىپكەرلىك قىزمەتپەن زاڭسىز اينالىسقانى، ءىس جۇرگىزۋ ارەكەتتەرىمەن بايلانىستى قۇقىق بۇزۋشىلىقتار ءۇشىن اكىمشىلىك جاۋاپتىلىققا تارتىلادى.

سىبايلاس جەمقورلىققا قارسى ءىس-قيمىل ماسەلەلەرىندەگى اكىمشىلىك ءىس جۇرگىزۋ تاجىريبەسى كوپتەگەن ەلدەرىندە قولدانىلادى.

مىسالى، فرانسۋز زاڭناماسىندا جەمقورلىق ءۇشىن قىلمىستىق جاۋاپكەرشىلىككە ەمەس، اكىمشىلىك شارالارعا باسىمدىق بەرىلەدى.

لاتۆيادا جەمقورلار قىلمىستىق جاۋاپكەرشىلىكتەن 10 ەسە كوپ اكىمشىلىك جاۋاپكەرشىلىككە تارتىلادى.

اكىمشىلىك پراكتيكانى قولدانۋدى حالىقارالىق گرەكو ۇيىمى دا ۇسىنادى.

اگەنتتىك نورماتيۆتىك قۇقىقتىق بازانىڭ تيىمدىلىگىن ارتتىرۋ جانە اكىمشىلىك ءىس جۇرگىزۋ ارقىلى نەعۇرلىم اۋىر جەمقورلىق كورىنىستەرىنىڭ ۋاقتىلى الدىن الۋ بويىنشا بەلسەندى جۇمىس ىستەۋدە.

ماسەلەن، استانا قالاسى بويىنشا سىبايلاس جەمقورلىققا قارسى قىزمەت دەپارتامەنتى تەكسەرۋ كوميسسياسىنىڭ اۋديتورىن ءوز پاتەرىندە روليكتى پەردەلەر ورناتۋ تۇرىندە زاڭسىز ماتەريالدىق سىياقى العانى ءۇشىن اكىمشىلىك جاۋاپكەرشىلىككە تارتتى. بۇل ءۇشىن اۋديتور وبەكتىنى تەكسەرۋ تىزىمىنەن الىپ تاستادى. بۇل جاعدايدا وبەكت باستاپقىدا باقىلاۋعا الىنبادى.

مۇنداي ارەكەتتەرى ءۇشىن تەكسەرۋشىگە 2 ميلليون تەڭگە ايىپپۇل سالىندى.

سونداي-اق، جەمقورلىق اكىمشىلىك قۇقىق بۇزۋشىلىقتاردىڭ كەڭ تارالعان تۇرلەرىنىڭ ءبىرى - لاۋازىمدى تۇلعالاردىڭ كاسىپكەرلىك قىزمەتكە زاڭسىز ارالاسۋى بولىپ تابىلادى.

«بيزنەس جول» جوباسى اياسىندا قالا قۇرىلىسىن باقىلاۋ، قالا قۇرىلىسى جانە ۋربانيستيكا باسقارمالارىنىڭ باسشىلارى اكىمشىلىك جاۋاپكەرشىلىككە تارتىلدى.

الماتى قالاسىنىڭ انتيكورى بۇل لاۋازىمدى تۇلعالاردىڭ ادال كاسىپكەردىڭ زاڭدى قىزمەتپەن اينالىسۋىنا كەدەرگى كەلتىرەتىن زاڭسىز اكتىلەر شىعارعانىن انىقتادى.

الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن زاڭسىز دەپ تانىلدى:

- قالالىق جوسپارلاۋ جانە ۋربانيستيكا باسقارماسىنىڭ ا ج ز توقتاتۋ جانە ج ش س ەسكيزدىك جوباسىن كەلىسۋ جونىندەگى ءىس-قيمىلدارى مەن حابارلامالارى؛

- قۇرىلىس- مونتاجداۋ جۇمىستارىنىڭ باستالعانى تۋرالى حابارلاما بەرگەن سۋبەكتىلەر تىزىلىمىنەن ج ش س-نى الىپ تاستاۋ بويىنشا قالا قۇرىلىسىن باقىلاۋ باسقارماسىنىڭ ءىس-ارەكەتتەرى مەن حابارلاماسى.

سوت شەشىمىنىڭ نەگىزىندە لاۋازىمدى تۇلعالار زاڭسىز ارەكەتتەرى ءۇشىن 100 ا ە ك مولشەرىندە ايىپپۇل سالۋعا تارتىلدى.

ا ق ب ت ك جەمقورلىققا قارسى شەكتەۋلەردى ساقتاماعانى ءۇشىن جاۋاپكەرشىلىكتى دە كوزدەيدى.

قوستاناي وبلىسىندا ۆەتەريناريالىق باقىلاۋ جونىندەگى اۋماقتىق ينسپەكتسيا باسشىسى باس ماماندى جۇمىسقا قابىلداعان. بۇل رەتتە قىزمەتكەر لاۋازىمعا تاعايىندالعانعا دەيىن اكتيۆتەرى مەن مىندەتتەمەلەرى تۋرالى دەكلاراتسيانى تاپسىرماعان.

وسىلايشا، ۆەتەريناريالىق ينسپەكتسيا باسشىسى جەمقورلىققا قارسى ءىس-قيمىل بويىنشا شارالار قابىلداماعانى ءۇشىن ق ر ا ق ب ت ك-نىڭ 680-بابى بويىنشا اكىمشىلىك جاۋاپكەرشىلىككە تارتىلىپ، 172 مىڭ تەڭگە ايىپپۇل سالىندى.

سىبايلاس جەمقورلىققا قارسى قىزمەت لاۋازىمدى تۇلعالاردىڭ زاڭسىز ارەكەتتەرى تۋرالى اقپاراتتى 1424 قىسقا ءنومىرى نەمەسە @antikorkz_bot Telegram-بوتى ارقىلى قابىلدايدى.