اقتوبەدە مول جاۋىن- شاشىننان ەگىن قايتا كوكتەپ كەتتى

اقتوبەنىڭ ايتەكە بي اۋدانىندا تولاسسىز جاۋىننان سوڭ ەگىن قايتا كوكتەي باستادى. وبلىستىق اۋىل شارۋاشىلىعى جانە جەر قاتىناستارى باسقارماسى ءداندى كەپتىرۋ ءۇشىن 157 توننا ديزەل وتىنىنا تاپسىرىس بەردى، دەپ حابارلايدى قازاقپارات ءتىلشىسى.

ەلىمىز بويىنشا سولتۇستىك وڭىرلەرمەن قاتار اقتوبەنىڭ ايتەكە بي اۋدانىندا دا ەگىن ورۋ جۇمىسى ۋاقىتشا توقتاپ قالدى.

جاڭبىر سالدارىن تەكسەرۋ ءۇشىن ارنايى كوميسسيا بارعان كەزدە ءداننىڭ قايتا ءبۇر جارىپ جاتقانىن انىقتادى.

«ءبىزدىڭ وبلىستى دا قوسۋعا ءوتىنىش حات جازدىق. ولارعا بەرىلەتىن جەڭىلدىك - پرولونگاتسيا. ياعني، العان نەسيەنى كەيىنگە شەگەرۋ. بۇرىن دا پرولونگاتسيا جاسالىپ ءجۇردى. ءبىراق ايىپپۇلى بولدى. ياعني، نەسيە كەيىنگە شەگەرىلسە، تولەي الماعانداردىڭ، ءبىز ايتاتىن «قارا ءتىزىمنىڭ» قاتارىنا كىرىپ كەتەدى. ەندى ايىپپۇلسىز كەيىنگە شەگەرۋ تۋرالى ۇسىنىس بولدى. ەكىنشىدەن «قازاگروقارجى» ا ق ارقىلى كەپتىرگىش اپپارات الۋعا باسىمدىق بەرىلۋى كەرەك. ۇشىنشىدەن، سول كەپتىرگىشتەرگە جەڭىلدەتىلگەن ديزەل وتىنىن بەرەدى. رەسپۋبليكا بوينىشا 10 مىڭ توننا دەدى. ءبىز ءوزىمىزدىڭ سۇرانىسىمىزدى بەردىك. 157 توننا. كوميسسيا ءالى دە قارايدى. بىزدە نەگىزىنەن ايتەكە بي اۋدانىندا عانا ماسەلە بار»، - دەدى اقتوبە وبلىستىق اۋىل شارۋاشىلىعى جانە جەر قاتىناستارى باسقارماسىنىڭ باسشىسى قۇسايىن سارسەمباي.

ەسكە سالساق، اقتوبەنىڭ ايتەكە بي اۋدانىندا ەگىن ورۋ جۇمىسى توقتاپ قالدى.

شارۋالار اۋدانداعى ەگىن القابىنىڭ 16 پايىزىن عانا جيناپ ۇلگەرگەن.