ماڭعىستاۋدا تاسىمالداۋشىلاردى بوپسالاپ كەلگەن قىلمىستىق توپ ۇستالدى
14:56, 20 - قىركۇيەك 2023
18-قىركۇيەكتە ماڭعىستاۋ وبلىسىندا ۇلتتىق قاۋىپسىزدىك كوميتەتى پروكۋراتۋرا جانە پوليتسيامەن بىرگە بوپسالادى، اۋىر دەنە جاراقاتىن سالدى جانە زاڭسىز قارۋ ساقتادى دەگەن كۇدىكپەن قىلمىستىق توپتى ۇستادى، دەپ حابارلايدى قازاقپارات.
وپەراتسيا كەزىندە توپ كوشباسشىسى مەن 3 قاتىسۋشىسى ۇستالىپ، اتىس قارۋى جانە وق- ءدارى تاركىلەندى.
قولدا بار دەرەكتەرگە ساي، ولار فيزيكالىق ءجابىر كورسەتۋ قاۋىپىمەن وبلىستىق جانە حالىقارالىق جولداردا جەكە تاسىمالمەن اينالىساتىن كاسىپكەرلەردەن اقشالاي قاراجات تالاپ ەتكەن.
شابۋىلعا تاپ بولعان جابىرلەنۋشىلەر اراسىندا لاۋازىمدىق مىندەتىن اتقارىپ جۇرگەن شەكارانىڭ اسكەري قىزمەتكەرى بار.
سوت سانكسياسىمەن ولار قاماۋعا الىندى.
جەدەل-تەرگەۋ ءىس-شارالارى جالعاسىپ جاتىر.