ەڭ جوعارى جالاقى 686 مىڭدى جاڭاوزەندىكتەر الىپ وتىر، ەڭ تومەنى - تالدىقورعاندا
ەكونوميكالىق زەرتتەۋ ينستيتۋتىنىڭ ماماندارى جالاقى بويىنشا قالالار رەيتينگىن جاسادى، دەپ حابارلايدى قازاقپارات.
«جالاقى - قالانىڭ باسقا ەلدى مەكەندەرگە قاتىستى تارتىمدىلىق ەلەمەنتتەرىنىڭ ءبىرى. وسىعان وراي ۇلتتىق ستاتبيۋرو دەرەگىنە سۇيەنە وتىرىپ، قازاقستاننىڭ 26 قالاسىن قامتيتىن 2021-2022 -جىلعى كورسەتكىشتەردى سالىستىرىپ، تالداۋ جاسالدى. سونىمەن قاتار، جالاقى قالالار بولىنىسىندە ەڭ تومەنگى كۇنكورىس دەڭگەيىنىڭ كورسەتكىشتەرىمەن سالىستىرىلدى» دەلىنگەن ينستيتۋت تاراتقان مالىمەتتە.
2022 -جىلدىڭ ءۇشىنشى توقسانى بويىنشا جالاقى رەيتينگى مىناداي (تەڭگە):
سالىستىرمالى كەستەدەن ەڭ جوعارى جالاقى جاڭاوزەندە - 686744 تەڭگە، ال تالدىقورعاندا ەڭ تومەن - 212136 تەڭگە بولعانى بايقالادى. الشاقتىق 3,2 ەسە.
ءبىر قىزىعى، ەڭ تومەنگى كۇنكورىس دەڭگەيى بويىنشا جاڭاوزەن كوشباسشى، بۇل قالادا ءومىر ءسۇرۋدىڭ جوعارى قۇنىن سيپاتتاي الادى (جاڭاوزەن - 60697 تەڭگە، تۇركىستان - 31211 تەڭگە).
ەڭ تومەنگى كۇنكورىس دەڭگەيى ەڭ تومەنگى قاجەتتى ازىق-تۇلىك ەمەس تاۋارلار مەن قىزمەتتەرگە جۇمسالاتىن شىعىستاردىڭ بەلگىلەنگەن ۇلەسىنە ۇلعايتىلعان ازىق-تۇلىك سەبەتىنىڭ قۇنىنان قالىپتاسادى.
مىسالى، ازىق-تۇلىك سەبەتىنىڭ قۇنى حالىقتىڭ ءار ءتۇرلى جىنىستىق جانە جاس توپتارى ءۇشىن ازىق-تۇلىك سەبەتىنە كىرەتىن ازىق-تۇلىكتى تۇتىنۋدىڭ عىلىمي نەگىزدەلگەن فيزيولوگيالىق نورمالارىن ورتاشا بولشەك ساۋدا باعاسىنا كوبەيتۋ ارقىلى ەسەپتەلەدى.
وسىلايشا كۇنكورىس دەڭگەيىنىڭ شاماسىن قۇرايتىن ازىق- تۇلىك سەبەتى مەن ازىق- تۇلىككە جاتپايتىن تاۋارلارعا جۇمسالاتىن شىعىن ەلدى مەكەندە «ءومىردىڭ قىمباتتىعىن» كورسەتۋى مۇمكىن.
«ءومىردىڭ قىمباتتىعىن» ەسەپكە الۋ ءۇشىن ورتاشا جالاقى ەڭ تومەنگى كۇنكورىس دەڭگەيىنە قانشا رەت سايكەس كەلەتىنىن ءتۇسىنۋ ءۇشىن قالالار بويىنشا كۇنكورىس دەڭگەيى مەن جالاقىنى سالىستىردىق. ەڭ كوپ جالاقى اتىراۋ، ساتبايەۆ، جاڭاوزەن، اقتاۋ، جەزقازعان جانە بالقاش قالالارىندا، سونداي-اق باسقا دا ءبىرقاتار مونوقالالاردا «ءومىردىڭ قىمباتتىعىن» جابادى.
ايتا كەتۋ كەرەك، بۇل قالالاردا ءوزىن-ءوزى جۇمىسپەن قامتىعان حالىقتىڭ ۇلەسى از، ال حالىقتىڭ كوپ بولىگى رەسمي تۇردە ونەركاسىپتىك كاسىپورىنداردا جۇمىس ىستەيدى. ەڭ از جالاقى قىزىلوردا قالاسىن قوسپاعاندا، قازاقستاننىڭ ءبىرقاتار وڭتۇستىك قالالارىندا «ءومىردىڭ قىمباتتىعىن» جابادى. ءبىر قىزىعى، استانا مەن الماتى ءتىزىم كوشباسشىلارى ەمەس. سونداي-اق، اۋتسايدەر - شىمكەنت مەگاپوليسى، بۇل جاسىرىن «كولەڭكەلى ەكونوميكا» مەن ەسەپكە الىنباعان كىرىستى جاناما تۇردە كورسەتۋى مۇمكىن» دەيدى ينستيتۋت مامانى ازامات سامەنوۆ.