زەينەتاقى قورىنان اقشا الۋ: 2025-جىلى جەتكىلىكتى شەك وسە مە؟

استانا. KAZINFORM - ءبىرىڭعاي جيناقتاۋشى زەينەتاقى قورى 2025-جىلى ەڭ تومەنگى جەتكىلىكتىلىك شەگى وزگەرىسسىز قالاتىنىن حابارلادى.

БЖЗҚ салымшыларының дербес деректері ұрланғаны туралы ақпаратты жоққа шығарды
Фото: Kazinform

«ب ج ز ق 2025-جىلعا ارنالعان ت ج ش (ەڭ تومەنگى جەتكىلىكتىلىگى شەگىن) جاريالاپ، ت ج ش ولشەمدەرى 2024-جىلعى دەڭگەيدە وزگەرىسسىز قالعانىن حابارلايدى»، - دەلىنگەن حابارلامادا.

ەسكە سالايىق، 2024-جىلى دا ت ج ش مولشەرى كوتەرىلمەگەن بولاتىن.

ەڭ تومەنگى جەتكىلىكتىلىك شەگى دەگەنىمىز نە؟

ت ج ش - بۇل اي سايىنعى زەينەتاقىنى ەڭ تومەنگى زەينەتاقى مولشەرىنەن تومەن ەمەس كولەمدە قامتاماسىز ەتۋ ءۇشىن قاجەتتى زەينەتاقى جيناقتارىنىڭ (مىندەتتى زەينەتاقى جارنالارى ەسەبىنەن قالىپتاستىرىلعان) ەڭ تومەنگى مولشەرى.

بۇل الەۋمەتتىك-ەكونوميكالىق كورسەتكىشتەرگە، سونداي-اق بولاشاق زەينەتاقى جارنالارىنىڭ (ەڭ تومەنگى جالاقى مولشەرىنەن) بولجامدى ەسەپتەۋلەرىنە جانە ينۆەستيتسيالىق كىرىستىلىككە سۇيەنە وتىرىپ انىقتالاتىن زەينەتاقى جيناقتارىنىڭ باعالاۋ سوماسى. باسقاشا ايتقاندا، ەڭ تومەنگى جەتكىلىكتىلىك شەگى - بۇل سالىمشىنىڭ زەينەت جاسىنا جەتكەندە ەڭ تومەنگى زەينەتاقى مولشەرىنەن كەم ەمەس زەينەتاقى تولەمدەرىن (ەڭ تومەنگى بازالىق زەينەتاقى تولەمى ەسەبىمەن) الۋى ءۇشىن شوتتا قالۋى ءتيىس ەڭ تومەنگى كورسەتكىش.

ت ج ش ەسەپتەۋ زەينەتاقى جيناقتارىنىڭ ەڭ تومەنگى جەتكىلىكتىلىك شەگىن ايقىنداۋ ادىستەمەسىنە سايكەس جۇرگىزىلەدى. ادىستەمەگە سايكەس، بيىلعى جىلعا ارنالعان ت ج ش ەسەپتەۋ كەزىندە 2025-جىلعا ارنالعان مىنا الەۋمەتتىك-ەكونوميكالىق كورسەتكىشتەر پايدالانىلدى:

ەڭ تومەنگى جالاقى مولشەرى - 85000 تەڭگە؛

مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى - 32360 تەڭگە؛

زەينەتاقىنىڭ ەڭ تومەنگى مولشەرى - 62771 تەڭگە؛

بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيىنىڭ شاماسى - 46228 تەڭگە.

«جەتكىلىكتى شەكتەن» اسقان ادامدار زەينەتاقى قورىنداعى اقشاسىن الا الادى

سالىمشى ءبىرىڭعاي جيناقتاۋشى زەينەتاقى قورىنداعى (ب ج ز ق) جيناق ەسەپشوتىنداعى قارجىسىنىڭ شەكتى مولشەردەن اسقان بولىگىن تۇرعىن ءۇي جاعدايىن جاقسارتۋعا، ەمدەلۋگە نەمەسە جەكەمەنشىك قارجى كومپانيالارىنىڭ باسقارۋىنا بەرۋگە قۇقىلى. ونداي سالىمشىلاردىڭ قاتارىنا مىنالار كىرەدى:

ب ج ز ق- داعى جيناق سالىمى جەتكىلىكتى شەكتەن اساتىن، جۇمىس ىستەپ جۇرگەن ازاماتتار؛

بۇرىنعى تابىسىنىڭ (ەڭبەكاقى) كەمىندە 40 پايىزىنا تەڭ مولشەردە زەينەتاقى الاتىن زەينەتكەرلەر ب ج ز ق- داعى قاراجاتىنىڭ 50 پايىزىنا دەيىن الا الادى؛

بۇعان دەيىن وزىنە زەينەتاقى اننۋيتەتىن راسىمدەگەن جانە ساقتاندىرۋ قورىنا اۋدارعاننان كەيىن دە ب ق ج ز- دا سالىمى قالعان ازاماتتاردىڭ ول اقشاسىن تولىعىمەن الۋعا حاقى بار.

2025-جىلى ادامنىڭ جاسىنا قاراي ەڭ تومەنگى جەتكىلىكتىلىك شەكتەرى مىناداي:

БЗЖ
Фото: massaget

 

 

سوڭعى جاڭالىقتار