زەينەتاقى جيناعىن مەرزىمىنەن بۇرىن اۋلعا تىيىم سالىنبايدى - مينيسترلىك

استانا. KAZINFORM - قازاقستاندىقتارعا زەينەتاقى قورىندا جينالعان قارجىنى شەشىپ الۋعا تىيىم سالۋ جوسپارى جوق. بۇل تۋرالى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ ءمالىم ەتتى.

- زەينەتاقى جيناقتارىن مەرزىمىنەن بۇرىن الۋ مەحانيزمى بىرنەشە جىل بۇرىن مەملەكەت باسشىسىنىڭ تاپسىرماسىمەن ەنگىزىلدى جانە قازىر كۇشىندە. بۇگىندە ول ەكى باعىتتى قامتيدى - تۇرعىن ءۇي جاعدايىن جاقسارتۋ جانە ەمدەلۋ ءۇشىن پايدالانۋ. زەينەتاقى جيناقتارىنىڭ نەگىزگى ماقساتى - قارتايعان شاقتا تابىستى الماستىراتىن ءتيىستى كوەففيتسيەنتپەن قامتاماسىز ەتۋ. سوندىقتان ءبىرىڭعاي جيناقتاۋشى زەينەتاقى قورىنداعى (ب ج ز ق) قاراجاتتى ءتيىمدى ينۆەستيتسيالاۋ جانە ىنتىماقتى ءارى بازالىق زەينەتاقى تولەمدەرىنىڭ تيىمدىلىگىن ارتتىرۋعا باعىتتالعان پارامەترلىك وزگەرىستەر ەنگىزۋ شارالارى قابىلدانىپ جاتىر، - دەدى اقمادي سارباسوۆ ءماجىلىس قابىرعاسىندا باق وكىلدەرىنىڭ ساۋالىنا جاۋاپ بەرە تۇرىپ.

سونداي-اق ۆيتسە-مينيستر بۇعان دەيىن تۋىنداعان قاراجاتتى ماقساتتى پايدالانۋ، ەمدەۋگە جۇمسالاتىن شىعىندار ماسەلەلەرىمەن دەنساۋلىق ساقتاۋ مينيسترلىگى اينالىسىپ جاتقانىن ايتتى.

- بۇل باعىتتاعى جۇمىس جالعاسۋدا، الايدا بەلگىلەنگەن پارامەترلەر اياسىندا ەشقانداي شەكتەۋلەر ەنگىزۋ جوسپاردا جوق، - دەپ ءتۇسىندىردى ءمينيستردىڭ ورىنباسارى.

ەسكە سالا كەتسەك، بىلتىر ەلىمىزدە زەينەتاقى جيناعىن ەرتە شەشىپ الۋ توقتاتىلۋى مۇمكىندىگى تۋرالى ايتىلعان ەدى.

سونداي-اق بىلتىر ۇلتتىق بانك زەينەتاقى جيناعىن الۋ تالاپتارىن كۇشەيتۋدى ۇسىندى.