«ۇزدىك تۋريستىك اۋىل» بايقاۋىنىڭ جەڭىمپازدارى انىقتالدى

Kazakhstan Travel Forum 2026 اياسىندا «ۇزدىك تۋريستىك اۋىل» بايقاۋىنىڭ جەڭىمپازدارىن ماراپاتتاۋ ءراسىمى ءوتتى، دەپ حابارلايدى ق ر تۋريزم جانە سپورت مينيسترلىگىنىڭ باسپا ءسوز قىزمەتى.

ماراپاتتاردى تۋريزم يندۋسترياسى كوميتەتىنىڭ ءتوراعاسى نۇربول بايجانوۆ تابىستادى.

اۋىل تۋريزمىن دامىتۋ جەرگىلىكتى تۇرعىنداردى تۋريستىك قىزمەتكە تارتۋعا، قوسىمشا تابىس كوزدەرىن قالىپتاستىرۋعا، شاعىن جانە ورتا بيزنەستى قولداۋعا، سونداي-اق وڭىرلەردىڭ تابيعي جانە مادەني مۇراسىن ساقتاۋعا مۇمكىندىك بەرەدى. بىرەگەي تابيعات، ەتنوگرافيالىق ەرەكشەلىكتەر، قولونەر، ۇلتتىق تاعامدار مەن ءداستۇرلى ءومىر سالتى جاڭا تۋريستىك ونىمدەردى قالىپتاستىرۋعا نەگىز بولادى.

«ۇزدىك تۋريستىك اۋىل» بايقاۋىن «Kazakh Tourism» ۇ ك» ا ق 2025-جىلدان باستاپ وتكىزىپ كەلەدى. 2026-جىلى بايقاۋعا التى وبلىستان ءوتىنىم ءتۇسىپ، بارلىعى 13 اۋىلدىق ەلدى مەكەن ۇسىنىلدى.

ىرىكتەۋ قورىتىندىسى بويىنشا «ۇزدىك تۋريستىك اۋىل» مارتەبەسىنە يە بولعاندار:

🔹 جەتىسۋ وبلىسى، كەربۇلاق اۋدانى، باسشي اۋىلى؛

🔹 سولتۇستىك قازاقستان وبلىسى، ايىرتاۋ اۋدانى، يمانتاۋ اۋىلى؛

🔹 شىعىس قازاقستان وبلىسى، كاتونقاراعاي اۋدانى، بەرەل اۋىلى؛

🔹 شىعىس قازاقستان وبلىسى، كاتونقاراعاي اۋدانى، كوروبيحا اۋىلى؛

🔹 پاۆلودار وبلىسى، باياناۋىل اۋدانى، تورايعىر اۋىلى.

جەڭىمپازدارعا وزدەرىنىڭ تۋريستىك الەۋەتىن ودان ءارى ىلگەرىلەتۋگە مۇمكىندىك بەرىلەدى. سونداي-اق قولجەتىمدى كۆوتاعا قاراي ولار UN Tourism ۇيىمىنىڭ Best Tourism Villages حالىقارالىق باستاماسىنا قاتىسۋعا ۇسىنىلادى.

- «Kazakh Tourism» ۇ ك» ا ق بايقاۋعا قاتىسۋشىلار مەن جەڭىمپازدارعا اقپاراتتىق قولداۋ كورسەتىپ، اۋىلدىق اۋماقتاردى، جەرگىلىكتى تۋريستىك باعىتتار مەن جاڭا تۋريستىك ونىمدەردى ىلگەرىلەتۋگە ىقپال ەتەدى، - دەلىنگەن حابارلامادا.

وسىعان دەيىن ەلىمىزدە تۋريزمدى مەملەكەتتىك قولداۋ باعىتىندا قانداي وزگەرىستەر ەنگىزىلىپ جاتقانى تۋرالى جازدىق.