زورلىق-زومبىلىقتىڭ بارلىق تۇرلەرىندە جازانى كۇشەيتەتىن زاڭ قابىلدادىق - جاناربەك ءاشىمجان
استانا. قازاقپارات - AMANAT پارتياسى ماجىلىستەگى فراكسياسىنىڭ دەپۋتاتتارى جاناربەك ءاشىمجان مەن اسحات ايماعامبەتوۆ «ماسس-مەديا تۋرالى» زاڭعا ل گ ب ت وكىلدەرى تۋرالى ب ا ق-تا جازۋعا تىيىم سالاتىن تۇزەتۋلەر ۇسىندى.
«ماجىلىستەگى جۇمىس توبى وتىرىسىندا ۇسىنىلعان باستامالارعا توقتالسام، بۇل جەردە ماسەلە اقپاراتقا تىيىم سالۋ تۋرالى ەمەس، ونى ءبىر جاقتى ناسيحاتتاۋدا بولىپ تۇر. ءبىرجاقتى ءتۇسىنۋ مەن ناسيحاتتاۋدى قاراما- قايشى قويماي، ونى ينكليۋزيۆتىلىك باعىتتا قابىلداۋ كەرەك»، - دەدى ءماجىلىس دەپۋتاتى.
ونىڭ اتاپ وتۋىنشە، كەز- كەلگەن ماسەلەنى وبەكتيۆتى جاريا ەتۋدەن ۇگىت- ناسيحاتتى كەلەسى بەلگىلەر بويىنشا اجىراتۋعا بولادى:
— ۇگىت- ناسيحات قوعامدىق پىكىردى بەلگىلى ءبىر باعىتتا قالىپتاستىرۋعا نەمەسە وزگەرتۋگە باعىتتالعان. ال جاريا ەتۋ اقپاراتتى ءوز بەتىنشە تالداۋ جانە قورىتىندى جاساۋ ءۇشىن بەرۋگە تىرىسادى؛
— ۇگىت- ناسيحات اقپاراتتىڭ جاعىمدى كورىنىسىن پايدالانادى، ماقساتتى فاكتىلەرگە نازار اۋدارادى. ال وبەكتيۆتى جاريا ەتۋ ماسەلەنىڭ ءارتۇرلى جاقتارىن، سونىڭ ىشىندە ءارتۇرلى پىكىرلەر مەن دالەلدەردى ۇسىنۋعا تىرىسادى؛
— فاكتىلەردى تەكسەرۋ. جاريا ەتۋ اياسىندا بەرىلگەن اقپاراتتى دەربەس تەكسەرۋگە بولادى. ال ۇگىت-ناسيحاتتا كوبىنەسە جالعان مالىمدەمەلەر بولادى جانە ولاردى راستاۋ قيىن، كەيدە مۇمكىن ەمەس؛
— تەپە- تەڭدىك جانە كوپجاقتىلىق. ماسەلەنى وبەكتيۆتى تۇردە جاريالاۋ - تەپە- تەڭدىككە جانە ءارتۇرلى كوزقاراستاردى ۇسىنۋعا تىرىسادى. ال ۇگىت- ناسيحات كوبىنەسە ءبىر جاقتى جانە بەلگىلى ءبىر يدەولوگيانى ىلگەرىلەتۋگە باعىتتالعان.
«سوندىقتان، جاڭالىقتار سيپاتىنا يە اقپارات، ايتىپ وتىرعان ۇگىت-ناسيحات بولمايدى. جالپى، بۇل باستاما كوپتەگەن قازاقستاندىقتاردىڭ وتىنىشتەرى بويىنشا كوتەرىلگەنىن ەسكەرۋ قاجەت. ءبىز زورلىق- زومبىلىقتىڭ بارلىق تۇرلەرىندە جازانى كۇشەيتەتىن زاڭ قابىلدادىق جانە ءسىز وسى زاڭدارعا قارسىلىق بىلدىرگەندەر دە از ەمەس ەكەنىن بىلەسىز. ءبىراق ءبىز زورلىق-زومبىلىققا توزبەۋشىلىك تانىتۋىمىز كەرەك. سونىمەن قاتار قوعامدا الاۋىزدىق تۋدىرۋى مۇمكىن يدەيالاردى ناسيحاتتاۋىمىز قاجەت. جالپى، بۇل تۇزەتۋ قابىلدانعان جوق، ءالى پىسىقتالۋدا»، - دەدى جاناربەك ءاشىمجان.
