زور ءۇمىت: شەتەلدىك ب ا ق پرەزيدەنتتىڭ قاتارعا ساپارىن تالقىلاپ جاتىر

پرەزيدەنت قاسىم-جومارت توقايەۆتىڭ قاتارعا مەملەكەتتىك ساپارىنا حالىقارالىق ب ا ق ەرەكشە نازار اۋداردى. شەتەلدىك باسىلىمدار قازاقستان مەن قاتار اراسىنداعى قارىم-قاتىناستىڭ نىعايۋى تۋرالى نە جازدى؟ بۇل تۋرالى Kazinform ءتىلشىسىنىڭ شولۋىنان وقىڭىز.

زور ءۇمىت، كەمەل كەلەشەك - حالىقارالىق ب ا ق مەملەكەت باسشىسىنىڭ قاتارعا ساپارى جايلى

بۇل قازاقستان پرەزيدەنتىنىڭ بۇل ەلگە العاشقى مەملەكەتتىك ساپارى.

قاتاردىڭ Doha News اقپارات اگەنتتىگى قازاقستان مەن قاتار زاڭ، جۇمىسپەن قامتۋ، اقپاراتتىق تەحنولوگيالار، الەۋمەتتىك دامۋ، جاستار باستامالارى، ادالدىق، بانك ءىسى، تەلەكوممۋنيكاتسيا، ەنەرگەتيكا سياقتى ءارتۇرلى سەكتورلاردا جانە ينفراقۇرىلىمدىق جوبالاردا كوپتەگەن كەلىسىممەن قارىم-قاتىناسىن «بەكىتىپ» جاتقانىن جازدى.

كەلىسىمدەردىڭ اراسىندا ەكى ەل باسشىلارى سوت ىنتىماقتاستىعى ءۇشىن جاڭا پرەتسەدەنت بولاتىن قىلمىستىق ىستەر بويىنشا ءوزارا قۇقىقتىق كومەك تۋرالى ماڭىزدى پاكەتكە قول قويىلعانىن اتاپ ءوتتى، - دەپ حابارلادى Doha News.

باسىلىمنىڭ مالىمەتىنشە، قاتار بانكى Lesha Bank مەن قازاقستاندىق «بايتەرەك» ۆەنچۋرلىق قورى اراسىنداعى كەلىسىمگە، سونداي- اق Mobile Telecom Service كومپانياسىمەن ستراتەگيالىق كەلىسىمگە قول قويىلعاننان كەيىن ەكونوميكا جانە تەحنولوگيالىق سەكتورلار ايتارلىقتاي سەرپىن الادى.

ەنەرگەتيكا جانە ينفراقۇرىلىمدىق جوبالار دا نازاردا بولدى. اتاپ ايتقاندا، ەنەرگەتيكانى دامىتۋعا باعىتتالعان بىرنەشە جوبانى قامتيتىن ءوزارا تۇسىنىستىك تۋرالى مەموراندۋمعا قول قويىلدى، ونىڭ ىشىندە قاشاعان كەن ورنىندا ەلەكتر ستانتسياسى مەن گاز وڭدەۋ زاۋىتىنىڭ قۇرىلىسى بار.

سونداي-اق، قاتار مەن قازاقستان اراسىنداعى سينەرگەتيكالىق دامۋدىڭ ماڭىزدىلىعى مەن الەۋەتىن ارتتىرىپ وتىرعان سەكتور - بايلانىس جانە اقپاراتتىق تەحنولوگيالار سالاسىنداعى ىنتىماقتاستىق تۋرالى ءوزارا تۇسىنىستىك تۋرالى مەموراندۋم بەكىتىلدى.

جاستار ساياساتى سالاسىنداعى ىنتىماقتاستىقتىڭ 2024-2026-جىلدارعا ارنالعان ءبىرىنشى اتقارۋشى باعدارلاماسىنىڭ باستاماسى ايتۋلى وقيعا بولدى. بۇل باعدارلاما ەكى ەلدىڭ وسكەلەڭ ۇرپاقتارىنا پايدالى يدەيالار مەن باستامالاردىڭ بەلسەندى الماسۋىنا ىقپال ەتۋگە باعىتتالعان، - دەپ جازدى Doha News.

Qatar news agency قازاقستان پرەزيدەنتى قاتاردىڭ وركەندەپ كەلە جاتقان ەكونوميكاسى مەن بەيبىتشىلىككە باعىتتالعان سىرتقى ساياساتىن جوعارى باعالاعانىن اتاپ ءوتتى.

بۇگىندە قاتار - وزىق جانە قارقىندى دامىپ كەلە جاتقان ەكونوميكاسىمەن، سونداي-اق بەلسەندى ءارى بەيبىت سىرتقى ساياساتىمەن تانىمال. جوعارى مارتەبەلى شەيح ءتاميم بەن حاماد ءال ءتانيدىڭ باسشىلىعىمەن سىزدەردىڭ ەلىڭىز ۇلكەن جەتىستىكتەرگە جەتتى. قاتار ءوزىنىڭ قۋاتتى ەكونوميكاسىن جانە وركەندەگەن قوعامىن ماقتان تۇتۋىنا بولادى، - دەپ كەلتىرەدى باسىلىم قاسىم-جومارت توقايەۆتىڭ قاتار مەملەكەتىنىڭ كونسۋلتاتيۆتىك كەڭەسىندە (ءال-شۋرا كونسۋلتاتيۆتىك ءماجىلىسى) سويلەگەن: ءسوزىن.

اقپارات اگەنتتىگىنىڭ حابارلاۋىنشا، مەملەكەت باسشىسى «اۋقىمدى رەفورمالارعا اسا ماڭىزدى زاڭنامالىق قولداۋ كورسەتىپ، نەگىزگى ىشكى پروتسەستەردى قاداعالاپ وتىراتىن» شۋرا كەڭەسىنىڭ دامۋ جانە جاڭعىرتۋ ۇدەرىسىندەگى ءرولىن جوعارى باعالاپ، ەلىمىزدىڭ «سوت تورەلىگى، زاڭ ۇستەمدىگى، تەڭدىك جانە جاۋاپكەرشىلىك قاعيداتتارىنا نەگىزدەلگەن «ادىلەتتى قازاقستاندى» قۇرۋ جولىندا كۇش- جىگەر جۇمساپ جاتقانىن» اتاپ ءوتتى.

سونىمەن قاتار، The تىmes of Central Asia قازاقستان پرەزيدەنتى قاتار پارلامەنتىنىڭ كۆورۋمىندا ءسوز سويلەگەن العاشقى شەتەلدىك كوشباسشى بولعانىنا نازار اۋداردى.

اقپارات اگەنتتىگىنىڭ مالىمەتىنشە، مەملەكەتتىك دەڭگەيدەگى كەلىسسوزدەردەن كەيىن قاسىم-جومارت توقايەۆ ەلدەر اراسىندا تولىققاندى ستراتەگيالىق ارىپتەستىك ورناتۋدى ۇسىنعان. سونىمەن قاتار، قازاقستان باسشىسى 2025-جىلى پارسى شىعاناعى مەن ورتالىق ازيانى بايلانىستىراتىن ينتەرمودالدىق كولىك جەلىسىن دامىتۋ، سونداي- اق اۋىل شارۋاشىلىعى سالاسىنداعى ىنتىماقتاستىقتى كەڭەيتۋ جانە ءبىر-ءبىرىنىڭ استانالارىندا قازاقستان مەن قاتاردىڭ مادەني كورمەلەرىن ۇيىمداستىرۋ قاجەت ەكەنىن اتاپ ءوتتى.

كەلىسسوزدەر بارىسىندا توقايەۆ 250 ميلليون دوللارعا 60 شيكىزات ەمەس تاۋاردىڭ قاتارعا ەكسپورتىن ۇلعايتۋعا دايىن ەكەنىن ايتتى، سونداي-اق ەكىجاقتى تاۋار اينالىمىن 500 ميلليون دوللارعا دەيىن ارتتىرۋدى ۇسىندى، - دەپ جازادى The Times of Central As.

اگەنتتىكتىڭ حابارلاۋىنشا، قازاقستان تاراپى مەن قاتار ءامىرى ءتاميم بەن حاماد ءال-ءتاني اراسىنداعى كەلىسسوزدەردىڭ قورىتىندىسى بويىنشا ون شاقتى قۇجاتقا قول قويىلعان. سونىمەن بىرگە، نەگىزگى كەلىسىم «QazaqGaz» مەملەكەتتىك كومپانياسى» ا ق مەن قاتار UCC حولدينگى اراسىنداعى قازاقستاننىڭ قاشاعان كەن ورنىندا گاز وڭدەۋ زاۋىتتارىن سالۋداعى ىنتىماقتاستىققا، سونداي-اق ەنەرگەتيكا جانە گاز سالاسىنداعى، سونداي-اق «سامۇرىق-قازىنا» ا ق مەن ق ر ەنەرگەتيكا مينيسترلىگى جانە Qatar Energy International Holding اراسىنداعى جوبالارعا باعىتتالعان.

Qatar news agency مالىمەتىنشە، قازاقستان رەسپۋبليكاسىنىڭ قاتار مەملەكەتىندەگى ەلشىسى ارمان يساعالييەۆ مەملەكەت باسشىسى قاسىم-جومارت توقايەۆتىڭ دوحاعا ساپارى ەكى ەل اراسىنداعى كەڭ سەرىكتەستىكتى دامىتۋعا جانە ەكىجاقتى قارىم-قاتىناستى نىعايتۋعا ۇمتىلىسىن ايعاقتايتىنىن اتاپ ءوتتى.

قاتار اقپارات اگەنتتىگىمەن (QNA) سۇحباتىندا ەلشى ساپاردىڭ كۇن تارتىبىندە ب ۇ ۇ، يسلام ىنتىماقتاستىعى ۇيىمى جانە ازياداعى ءوزارا ءىس-قيمىل جانە سەنىم شارالارى كەڭەسى سياقتى حالىقارالىق ۇيىمدارداعى ىنتىماقتاستىق ماسەلەلەرىن تالقىلاۋ بولاتىنىن ايتتى. بۇل ساپاردا يسلام ازىق-تۇلىك قاۋىپسىزدىگى ۇيىمى اياسىنداعى ازىق-تۇلىك قاۋىپسىزدىگىنە دە ۇلكەن ءمان بەرىلەدى، دەپ جازادى باسىلىم.

رەداكسيانىڭ حابارلاۋىنشا، ديپلومات قازاقستان رەسپۋبليكاسى پرەزيدەنتىنىڭ قاتارعا العاشقى مەملەكەتتىك ساپارىن ەكىجاقتى ىنتىماقتاستىقتى مۇلدە جاڭا دەڭگەيگە كوتەرەتىن تاريحي وقيعا دەپ سانايدى.

ەسكە سالايىق، مەملەكەت باسشىسى قاسىم-جومارت توقايەۆ اقپاننىڭ 13-14 ىندە قاتارعا مەملەكەتتىك ساپارمەن باردى. ساراپشىلار قازاقستان پرەزيدەنتىنىڭ ساپارىنىڭ نەگىزگى ماقساتى ينۆەستيتسيا جانە ەكىجاقتى قارىم-قاتىناستى جاڭا دەڭگەيگە كوتەرۋ دەپ باعالاعان. بۇل تۋرالى تولىعىراق مىنا جەردەن وقي الاسىز.

سونداي- اق، Kazinform ءتىلشىسى پرەزيدەنت ساپارىنىڭ قورىتىندىسىنا شولۋ جاساپ، باستى كەلىسسوزدەر مەن كەزدەسۋلەرگە توقتالدى.