زەلەنسكيدىڭ ۋكراينا پرەزيدەنتى رەتىندەگى وكىلەتتىك مەرزىمى اياقتالدى

استانا. KAZINFORM – زەلەنسكيدىڭ ۋكراينا پرەزيدەنتى رەتىندەگى وكىلەتتىك مەرزىمى اياقتالدى، دەپ حابارلايدى El.kz اقپارات اگەنتتىگى.

ۋكراينادا پرەزيدەنت سايلاۋى 31-ناۋرىزدا ءوتۋى كەرەك بولاتىن، الايدا اسكەري جاعدايعا بايلانىستى وتكىزىلگەن جوق. ۋكراينا كونستيتۋتسياسى مۇنداي جاعدايدا مەملەكەت باسشىسىن سايلاۋعا تىكەلەي تىيىم سالمايدى، ءبىراق تىيىم اسكەري جاعدايدىڭ قۇقىقتىق رەجيمى تۋرالى زاڭدا قاراستىرىلعان.

بۇعان دەيىن زەلەنسكي سۇحباتىنىڭ بىرىندە پرەزيدەنتتىك سايلاۋ سوعىس اياقتالعاننان كەيىن وتسە، ەكىنشى مەرزىمگە سايلاۋعا تۇسكىسى كەلمەيتىنىن ايتتى.

ايتا كەتەيىك، بىلتىر كيەۆكە بارعان امەريكالىق رەسپۋبليكاشىل سەناتور ليندسي گرەم ەل بيلىگىن 2024-جىلدان كەشىكتىرمەي پرەزيدەنتتىك سايلاۋ وتكىزۋگە شاقىردى.

45 جاستاعى ۆلاديمير زەلەنسكي 2019-جىلى پەتر پوروشەنكونىڭ ورنىنا ۋكراينا پرەزيدەنتى بولىپ سايلانعان ەدى.